عامر خاکوانی کی والدہ محترمہ کا سانحہ ارتحال
محترم اور شفیق دوست، سینئیر صحافی اور ایک بہت اچھے انسان جناب عامر ہاشم خاکوانی کی والدہ کا انتقال ہو گیا ہے۔ ان کی تدفین ان کے آبائی شہر احمد پور شرقیہ میں ہو گی۔ مرحومہ گزشتہ کچھ عرصے سے علیل تھیں اور شریف سٹی ہسپتال کے آئی سی یو میں داخل تھیں۔
برادر عامر خاکوانی نے یہ اطلاع دیتے ہوئے لکھا ہے کہ ”والدہ محترمہ دنیا سے رخصت ہو گئیں۔ تدفین کے لیے احمدپورشرقیہ روانہ ہو رہے ہیں۔ درخواست ہے کہ ماں جی کے ایصال ثواب کے لیے دعا کریں، اپنی رمضان کی دعاوں میں بھی انہیں یاد رکھیں۔ اللہ آپ سب کو، آپ کے پیاروں کو اپنی امان میں رکھے۔ آمین۔ ابھی فون کال نہیں لے پاؤں گا، معذرت۔ “
بدقسمتی سے میں کبھی مرحومہ سے ملاقات کا شرف حاصل نہیں کر سکا مگر برادر عامر خاکوانی کی تربیت میں ان کی شخصیت کی جھلک ہمیں دکھائی دیتی ہے۔ والد محترم کا سایہ کم عمری میں ہی سر سے اٹھ جانے کے بعد یہ ان ہی کی تربیت تھی جس کے زیر اثر عامر کی شخصیت میں انسانوں سے محبت، ان کے دکھ درد میں ان کا ہاتھ بٹانے، اور کتابوں سے دوستی کا عنصر پیدا ہوا۔
ادارہ ”ہم سب“ کے تمام ساتھی برادر عامر خاکوانی سے تعزیت کرتے ہیں اور دعاگو ہیں کہ خدائے بزرگ و برتر مرحومہ کو جنت الفردوس میں اعلی مقام عطا فرمائے اور بے پناہ دکھ کی اس گھڑی میں برادر عامر ہاشم خاکوانی اور دیگر پسماندگان کو یہ بڑا صدمہ برداشت کرنے کا حوصلہ دے۔
- ولایتی بچے بڑے ہو کر کیا بننے کا خواب دیکھتے ہیں؟ - 26/03/2024
- ہم نے غلط ہیرو تراش رکھے ہیں - 25/03/2024
- قصہ ووٹ ڈالنے اور پولیس کے ہاتھوں ایک ووٹر کی پٹائی کا - 08/02/2024
Facebook Comments - Accept Cookies to Enable FB Comments (See Footer).