بالی ووڈ اداکارہ دیا مرزا نے شوہر سے علیحدگی کا اعلان کر دیا

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بالی ووڈ کی معروف اداکارہ دیا مرزا اور شوہر ساحل سانگھا نے شادی کے پانچ سال ایک ساتھ گزارنے کے بعد اب علیحدگی اختیار کرنے کا اعلان کر دیا ہے۔

تفصیلات کے مطابق دیا مرزا اور ساحل سانگھا نے اکتوبر 2014 میں شادی کی تھی۔ اداکارہ کا کہنا ہے کہ علیحدگی اختیار کرنے کا فیصلہ میرا اور میرے شوہر کا مشترکہ ہے۔ ہم اب بھی ایک دوسرے سے محبت اور عزت کرتے ہیں ۔

دیا مرزا نے پیغام جاری کرتے ہوئے کہا کہ ”11 سال ایک دوسرے کے ساتھ زندگی گزارنے کے بعد ہم نے مشترکہ طور پر فیصلہ کیا ہے کہ ہم علیحدگی اختیار کر لیں، ہم ہمیشہ دوست رہیں گے اور ہمارے درمیان محبت اور عزت کا رشتہ قائم رہے گا جبکہ ہمارا سفر ہمیں مختلف منزلوں کی طرف لے جائے گا۔ ہم اپنے خاندان والوں اور اپنے تمام دوستوں کا بے پناہ محبت دینے پر شکریہ ادا کرتے ہیں۔ ان کا کہنا تھا کہ میں میڈیا سے گزارش کرتی ہوں کہ وہ ہماری پرائیویسی کا احترام کریں“

دیا مرزا کے شوہر ساحل سانگھا کی جانب سے بھی یہی پیغام سوشل میڈیا پر جاری کیا گیا ہے ۔ ساحل اور دیا مرزا نے لمبے عرصے پر محیط تعلقات کے بعد 18 اکتوبر 2014 کو شادی کی تھی۔ تاہم دونوں کے درمیا ن علیحدگی کی کوئی وجہ فی الحال سامنے نہیں آ سکی ہے ۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •