عمران خان حرف ن، ریٹائرڈ جنرلز اور قبائل کی بدولت چین اور ایران سمیت نو ممالک کے سربراہ ہوں گے: پیر پنجر سرکار


راولپنڈی کے معروف روحانی معالج اور اعلیٰ مذہبی مدارج پر فائز شخصیت حضرت پیر پنجر سرکار نے 23 سال قبل وزیر اعظم عمران خان کے بارے میں حیران کن پیش گوئیاں کی تھی۔ یہ پیشگ وئیاں کی موقر اخبار ”روزنامہ نوائے وقت “ میں 2 مئی 1996 کو شائع کی گئی تھیں۔

ایک مقامی اخبار نے ماضی کی اس اہم خبر کے حوالے سے تفصیلات شائع کی ہیں۔ رپورٹ کے مطابق پیر پنجر نے پیشگوئیاں کرتے ہوئے کہا تھا کہ عمران خان پاکستان کو ایٹمی سپر پاور بنائیں گے، دہلی کے اوپر اسلامی پرچم لہرائیں گے۔ نو اسلامی ممالک کو جن کے ناموں کے آخر میں حرف ن آتا ہے ایک پلیٹ فارم پر لایا جائے گا۔ عمران خان کی قیادت میں مسئلہ کشمیر حل ہو جائے گا۔ عمران خان پاکستان کی عوام کی تقدیر بدلنے کیلئے ہنگامی سربراہ کے طور پر قیادت سنبھالیں گے۔ چند ریٹائرڈ جرنیل اور پاکستانی منظلوم عوام اس ملک کے اصل حکمران بننے والے ہیں۔ ایک انقلاب کے ذریعے پاکستان کو مثالی ملک کے طور پر پیش کیا جائے گا۔

عمران خان کی قیادت میں 42 سیاسی خاندان اور ان کے پس پردہ حواری زمین بوس ہو جائیں گے۔ اور اس ملک کو دونوں ہاتھوں سے لوٹنے والے بیوروکریٹس اور سیاسی گماشتے یوم حساب سے گزریں گے۔ غریب اور محب وطن قبائل تحریک انصاف میں شامل ہوتے جائیں گے۔ ایک بڑے اسلامی بلاک کی تیاریاں مکمل ہو چکی ہیں جس میں پاکستان، افغانستان، ترکمانستان، آذربائیجان، ازبکستان کرغرستان، ایران، تاجکستان اور قازقستان بوجہ لفظ ن شامل ہوں گے۔ چین بھی بوجہ لفظ ن کے ان ممالک کی کنفیڈریشن میں شامل ہو جائے گا۔ اس تمام منصوبے میں عمران خان کلیدی کردار ادا کریں گے۔ عمران خان  اس اسلامی بلاک کی قیادت بھی سنبھالیں گے کیونکہ ان کے نام کے آخر میں بھی لفظ ن آتا ہے۔

https://dailypakistan.com.pk/09-Aug-2019/1006084

 


Facebook Comments - Accept Cookies to Enable FB Comments (See Footer).