انٹرپول کے ذریعے گرفتار لقمان ہلاکو گوجرانوالہ میں پولیس مقابلے میں ہلاک
گوجرانوالہ میں انٹرپول کے ذریعے انڈونیشیا سے گرفتار کیا گیا ڈاکو لقمان عرف ہلاکو مبینہ پولیس مقابلے میں مارا گیا۔ مقابلے کے بعد ایک ملزم کو گرفتار کرلیا گیا جبکہ دوسرا فرار ہو گیا۔
پولیس ترجمان کے مطابق گرفتار ملزم لقمان کو سامان کی برآمدگی کے لیے وزیر آباد لے جایا جا رہا تھا کہ ڈسکہ روڈ پر دو موٹرسائیکل سوار ملزمان نے پولیس وین پر فائرنگ کی، جس سے گرفتار ملزم ہلاک لقمان عرف ہلاکو مارا گیا۔ فائرنگ کرنے والے ایک ملزم ماسٹر اعجاز کو گرفتار کر لیا گیا۔
پولیس ترجمان کے مطابق ملزم ماسٹر اعجاز کی مارے گئے لقمان عرف ہلاکو سے پرانی دشمنی تھی، مارے گئے ملزم لقمان کو انڈونیشیا سے گرفتار کر کے ایک روز پہلے ہی پاکستان لایا گیا تھا۔
لقمان عرف ہلاکو کے خلاف بھتا خوری، قتل اور اقدام قتل کے 26 مقدمات درج تھے اور اس کے سر کی قیمت 10 لاکھ روپے مقرر کی گئی تھی۔
Facebook Comments - Accept Cookies to Enable FB Comments (See Footer).