احسان اللّٰہ احسان حساس آپریشن کے دوران فرار ہوا: ذرائع

  •  
  •  
  •  
  •  
  •  
  •  
  •  
  •  
  •  
  •  
  •  
  •  

باوثوق ذرائع کے مطابق کالعدم تحریک طالبان کا ترجمان احسان اللّٰہ احسان ایک حساس آپریشن کے دوران فرار ہوا۔ اسے اپنے جرائم کی سزا ملنا تھی۔ ذرائع کا کہنا ہے کہ احسان اللّٰہ احسان اور دیگر دہشت گردوں کو کیفر کردار تک پہنچایا جائےگا۔

ذرائع کے مطابق احسان اللّٰہ احسان نے2017 میں رضاکارانہ طور پر خود کو انٹیلی جنس اداروں کےحوالے کیا، جبکہ اُس نے سرنڈر کرنے سے قبل ہی حساس معلومات فراہم کرنا شروع کردی تھیں۔

ذرائع کا کہنا ہے کہ ابتدائی تفتیش کے بعد احسان اللّٰہ احسان نے 26 اپریل 2017 کو اعترافی بیان دیا، جس میں ترجمان تحریک طالبان نے اپنے ہینڈلرز اور سہولت کاروں کو بےنقاب کیا جبکہ دہشت گرد کارروائیوں اور انتہا پسند سوچ کی مذمت بھی کی۔

ذرائع کے مطابق احسان اللّٰہ احسان کی معلومات پر سیکیورٹی فورسز نے دہشت گردوں کے نیٹ ورک توڑے اور بہت سے دہشت گردوں کو پکڑا بھی گیا۔

ذرائع کا مزید کہنا ہے کہ آپریشنز کو منطقی انجام تک پہنچانے کے لیے اہم معلومات کا حصول ضروری تھا، حاصل کردہ معلومات کے نتیجے میں کچھ آپریشنز اب بھی جاری ہیں۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *