ربر کی گولیاں‘ رہنماؤں کی گرفتاری شرمناک ہے: عمران خان


\"imran

بنی گالہ/اسلام آباد: پاکستان تحریکِ انصاف کے سربراہ عمران خان نے پولیس کی جانب سے شیلنگ ‘ ربر کی گولیوں کے استعمال کو شرمناک قرار دے دیا ۔

تفصیلات کے مطابق عمران خان نے اپنے تازہ ترین ٹویٹر پیغام میں کہا ہے کہ ’’پولیس نے ہماری لاہور کی قیادت پر آنسو گیس اور ربر کے کی گولیا ں استعمال کی جو کہ ایک شرمناک عمل ہے‘‘۔

انہوں نے مزید کہا کہ عندلیب عباس ‘ ولید اقبال ‘ حماد اظہر اور دیگر کو گرفتار کیا گیا ہے جو کہ قابلِ مذمت ہے۔

واضح رہے کہ کچھ دیر قبل تحریک انصاف کی رہنما عندلیب عباس کو پولیس نے حراست میں لیا تھا اور کچھ دیر بعد ان کو رہا کردیا گیا۔

تحریک انصاف کے سینکڑوں کارکنان کو گزشتہ دنوں گرفتار کیا گیا ہے جبکہ پاکستان عوامی تحریک کے بھی 50 کے لگ بھگ کارکنان پولیس کی حراست میں ہیں۔

پولیس نے برہان انٹرچینج کو بھی کنٹنیر لگا کر بند کیا ہوا ہے اور خیبرپختونخواہ سے وزیراعلیٰ پرویز خٹک کی قیادت میں آنے والے قافلے پر شدید شیلنگ کی گئی ہے جس کے بعد عمران خان نے قافلے کو عارضی طور پرپیچھے ہٹنے کا حکم دیا تھا۔

دوسری جانب سپریم کورٹ نے پنامہ لیکس سے متعلق آج ہونے والی سماعت میں فریقین کو جمعرات تک جواب داخل کرانے کا حکم دیا ہے۔


Facebook Comments - Accept Cookies to Enable FB Comments (See Footer).

Subscribe
Notify of
guest
0 Comments (Email address is not required)
Inline Feedbacks
View all comments