وبا کے دنوں کا ایک سچا منظر
وبا کا خوف گام گام، گھر گھر مایوسی کا ڈیرا تھا۔
حاکم نے حکم لگا رکھا تھا، کوئی شہری ماسک پہنے بہ غیر گلی میں نہ آئے۔
بھوک سے بلکتے بچوں کے لیے غذا لینے بازار آیا، تو سپاہی نے سیٹی بجا کے روک لیا، کہ ماسک نہ پہن کر حکم عدولی کا مرتکب ہوا ہوں۔
“تم وہ موذی ہو، جس سے سماج کو خطرہ ہے”۔
میں نے دہائی دی، کہ اس وقت میری کل پونجی پانسو رُپیا ہے، اور اس موذی کی خبر لو، جو دس روپے کا ماسک چار سو میں بیچ رہا ہے۔
ماسک خریدوں، تو صد رُپیا میں بچوں کی بھوک کا سامان نہیں ہوتا۔ خدارا کچھ رحم کرو۔
حکم حاکم لاگو کرنا ہے، تو اس بلیکیے پہ کرو، جو قہر کے لمحوں میں عذاب تول رہا ہے۔
سپاہی نے میرے سر پہ موٹے کپڑے کا غلاف ڈال کے، کلائی پر زنجیر چڑھاتے کہا:
“اس کی سر کوبی کے لیے سرکار سے کوئی ہدایت نامہ موصول نہیں ہوا”۔
- آئی ایم ایف، عید قربان اور قوم کی کھال - 01/07/2023
- فلم اور ٹی وی کے لیے لکھتے ہوئے کیا خیال رکھنا ہے - 20/06/2023
- فلم میکنگ شارٹ کورس - 30/04/2023
Facebook Comments - Accept Cookies to Enable FB Comments (See Footer).