جلاوطن نہیں ہوں کچھ ہفتوں میں وطن واپس آجاؤں گا، آصف زرداری

  •  
  •  
  •  
  •  
  •  
  •  
  •  
  •  
  •  
  •  
  •  
  •  

\"asif

دبئی: سابق صدر آصف  زرداری کا کہنا ہے کہ عمران خان انوکھے لاڈلے ہیں جو کھیلن کو وزارت عظمیٰ مانگتے ہیں جب کہ کچھ ہفتوں میں وطن واپس آجاؤں گا۔

ایک انٹرویو میں سابق صدر آصف زرداری کا کہنا تھا کہ کچھ سیاستدان پاناما لیکس کا معاملہ سپریم کورٹ لے گئے تاہم اگرسپریم کورٹ کمیشن بنادیتی ہے اور کمیشن سے کوئی نتیجہ نہ نکلا تو پھر کیا فائدہ جب کہ جمہوریت کا ارتقاء پارلیمنٹ میں ہے اور پاناما کا معاملہ بھی پارلیمنٹ میں بحث کے بعد ہی انجام کو پہنچ سکتا ہے۔ انہوں نے عمران خان کو انوکھا لا ڈلا مخاطب کرتے ہوئے کہا کہ عمران خان وہ انوکھے لاڈلے ہیں جو کھیلن کو وزارت عظمیٰ مانگتے ہیں۔

وطن واپسی کے حوالے سے سوال پر آصف زرداری کا کہنا تھا کہ دبئی میں قیام سے متعلق میرے حوالے سے غلط افواہیں پھیلائی گئیں جب کہ میں جلاوطن نہیں ہوں کچھ ہفتوں میں واپس پاکستان آجاؤں گا۔

واضح رہے کہ آصف زرداری 24 جون 2015 کو ملک سے باہر چلے گئے تھے اورجب سے اب تک  وطن واپس نہیں آئے.

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *