پاکستان سپر لیگ میں غیر ملکی کھلاڑیوں کا اِن آؤٹ
یہی نہیں ویسٹ انڈیز سے تعلق رکھنے والے کرس گیل نے بھی واپسی کا ٹکٹ کٹا لیا ہے جن کی جگہ جنوبی افریقہ کے سابق کپتان فاف ڈیوپلیسی منگل کو پاکستان پہنچ کر کوئٹہ گلیڈی ایٹرز کو جوائن کریں گے۔
کوئٹہ گلیڈی ایٹرز کے اوپنر کرس گیل کا کہنا تھا کہ وہ قومی ذمے داری کی وجہ سے ایونٹ کو ادھورا چھوڑ رہے ہیں۔
یاد رہے کہ آئندہ ماہ ویسٹ انڈیز اور سری لنکا کے درمیان تین ون ڈے اور تین ٹی ٹوئنٹی میچز کی سیریز شیڈول ہے جس کے لیے ٹیموں کا اعلان بعد میں ہو گا۔
کرس گیل نے آخری مرتبہ مارچ 2019 میں ویسٹ انڈیز کی طرف سے ٹی ٹوئنٹی میچ کھیلا تھا جب کہ اگست 2019 میں انہوں نے بھارت کے خلاف آخری ون ڈے میچ کھیلا تھا۔
پاکستان سپر لیگ کا پہلی مرتبہ حصہ بننے والے افغان آل راؤنڈر راشد خان منگل کو پاکستان سے روانہ ہوئے۔
راشد خان نے اپنے ایک ٹوئٹ میں کہا کہ وہ ابتدائی مرحلے میں ایونٹ کو چھوڑ کر جا رہے ہیں لیکن انہیں قومی ذمے داری ادا کرنی ہے۔
Too soon leaving @thePSLt20 But have to attend National duty 🇦🇫 . Thank you @lahoreqalandars and to all the fans for the great support and love .INSHALLAH see you next year . 👍👍 pic.twitter.com/ar6TJ1c0jc
— Rashid Khan (@rashidkhan_19) February 23, 2021
انہوں نے لاہور قلندرز کی انتظامیہ اور مداحوں کا شکریہ ادا کیا اور اس خواہش کا اظہار کیا کہ وہ آئندہ برس ایک مرتبہ پھر ایونٹ کا حصہ بنیں گے۔
افغانستان اور زمبابوے کے درمیان آئندہ ماہ دو ٹیسٹ اور تین ٹی ٹوئنٹی میچز پر مشتمل سیریز شیڈول ہے اور راشد خان سیریز میں افغانستان کی نمائندگی کریں گے۔
جنوبی افریقہ کے فاسٹ بالر ڈیل اسٹین پیر کو پاکستان پہنچ گئے ہیں۔ وہ پی ایس ایل سکس میں کوئٹہ گلیڈی ایٹرز کی نمائندگی کریں گے۔
اسٹین اس سے قبل پی ایس ایل میں اسلام آباد یونائیٹڈ کی نمائندگی کر چکے ہیں لیکن اس بار کوئٹہ کے ساتھ اُن کا یہ پہلا تجربہ ہو گا۔
Happy to be here 👊👊👊 https://t.co/p9hCFrIVWi
— Dale Steyn (@DaleSteyn62) February 22, 2021
Facebook Comments - Accept Cookies to Enable FB Comments (See Footer).