ولاریئل نے مانچسٹر یونائیٹڈ کو شکست دے کر یورپا لیگ کا ٹائٹل اپنے نام کرلیا
- ایونٹ میں ناقابلِ شکست رہنے والا ولاریئل کلب یوئیفا کپ یا یورپا لیگ میں ناقابلِ شکست رہتے ہوئے ٹائٹل اپنے نام کرنے والا ساتواں کلب بن گیا ہے۔
یورپا فٹ بال لیگ کے فائنل میں ولاریئل نے سنسنی خیز مقابلے کے بعد مانچسٹر یونائیٹڈ کو پنالٹی اسٹروکس پر شکست دے کر ٹائٹل اپنے نام کر لیا ہے۔
پولینڈ کے شہر کڈانسک میں بدھ کو کھیلے گئے ایونٹ کے فائنل مقابلے میں دونوں ٹیموں نے دلچسپ کھیل پیش کیا۔
کرونا کے عالمی بحران کے دوران ہونے والا یہ میچ دو سال میں پہلا یورپین فائنل میچ تھا جس میں تماشائیوں کی بڑی تعداد موجود تھی۔
میچ کے 29 ویں منٹ میں اسپین کے کلب ولاریئل کے کھلاڑی گیرارڈ مورینی نے گول کر کے اپنی ٹیم کو سبقت دلائی جو پہلے ہاف کے اختتام تک برقرار رہی۔
دوسرے ہاف کے ابتدائی لمحات میں انگلش کلب مانچسٹر یونائیٹڈ کے اسٹرائیکر ایڈنسن کوانی نے گول کر کے مخالف ٹیم کی برتری کو ختم کردیا۔
🏆🙌 A moment these @VillarrealCF fans will never forget…#UELfinal pic.twitter.com/sdyjMhqZx9
— UEFA Europa League (@EuropaLeague) May 26, 2021
مقررہ وقت کے اختتام تک دونوں ٹیموں کے گول کی تعداد ایک ایک تھی جس کے بعد میچ کا فیصلہ پنالٹی اسٹروکس پر ہوا۔
پنالٹی اسٹروکس میں بھی دونوں ٹیموں کے درمیان کانٹے کا مقابلہ رہا اور دونوں ٹیموں نے دس دس گولز کیے۔
مانچسٹر یونائیٹڈ کے گول کیپر ڈیوڈ دی خیا گیارہویں پنالٹی نہ روک سکے جس کے بعد ولاریئل نے 10 کے مقابلے میں 11 گولز سے فتح حاصل کرتے ہوئے پہلی مرتبہ یورپا لیگ کا ٹائٹل اپنے نام کیا۔
ایونٹ میں ناقابلِ شکست رہنے والا ولاریئل کلب یوئیفا کپ یا یورپا لیگ میں ناقابلِ شکست رہتے ہوئے ٹائٹل اپنے نام کرنے والا ساتواں کلب بن گیا ہے۔
UNBEATEN 💪
💛 Villarreal are the seventh side to lift either the UEFA Cup or UEFA Europa League without a single defeat in that season.#UELfinal pic.twitter.com/nyph5dCs1o
— UEFA Europa League (@EuropaLeague) May 27, 2021
علاوہ ازیں ولاریئل کے کوچ اونائی ایمری کی کوچنگ میں کسی ٹیم نے چار مرتبہ یورپا لیگ کا ٹائٹل اپنے نام کیا ہے۔
اونائی ایمری نے اپنی کوچنگ میں 2014، 2015، 2016 اور 2021 میں ٹیم کی فتح کے بعد ٹرافی تھام کر اسے بوسا دیا ہے۔
🔝 Unai Emery = FOUR-time Europa League winner!
2⃣0⃣1⃣4⃣🏆
2⃣0⃣1⃣5⃣🏆
2⃣0⃣1⃣6⃣🏆
2⃣0⃣2⃣1⃣🏆#UELfinal https://t.co/cALQQsmU3H pic.twitter.com/qS8WW3aCBZ— UEFA Europa League (@EuropaLeague) May 26, 2021
