سلمان خان نے ‘رادھے’ کا ریویو کرنے والے کمال آر خان کے خلاف ہتک عزت کا مقدمہ دائر کر دیا
سلمان خان نے 25 مئی کو بھارت کے شہر ممبئی کی مقامی عدالت میں کمال آر خان کے خلاف ہتک عزت کا مقدمہ دائر کیا تھا۔
کمال آر خان نے سلمان خان کی جانب سے بھیجے جانے والے نوٹس کی تصویر بھی ٹوئٹر پر شیئر کی اور کہا کہ “میں اپنے فالوورز کے لیے ریویو کرتا ہوں اور یہی میرا کام ہے۔”
https://twitter.com/kamaalrkhan/status/1397181935370260485
کمال آر کے خلاف دائر مقدمے کی سماعت آج (جمعرات) ممبئی کے سٹی سول کورٹ میں ہوئی۔
سماعت سے متعلق بھارتی اداکار و رائٹر کمال آر خان نے مائیکرو بلاگنگ سائٹ پر ٹوئٹ بھی کی۔
Court hearing is done. Next date is 7th June 2021! Vande Mataram! Satyamev Jayate. Jai Hind! 🙏🏼👍👌💪💪💪
— KRK (@kamaalrkhan) May 27, 2021
باکس آفس ورلڈ وائڈ کی رپورٹ کے مطابق سلمان خان کی قانونی ٹیم نے کمال آر خان کے خلاف ہتک عزت کا مقدمہ دائر کرنے کی وضاحت کرتے ہوئے جاری بیان میں کہا کہ “کمال آر خان نے اپنی سلسلہ وار ٹوئٹس اور ویڈیوز میں دعویٰ کیا ہے کہ سلمان خان نے ان پر فلم ریویو کرنے پر مقدمہ درج کیا ہے یہ بات غلط ہے۔”
سلمان خان کی قانونی ٹیم اپنے بیان میں کہا کہ کمال آر خان کے خلاف مقدمہ توہین آمیر الزامات جس میں سلمان خان کو کرپٹ اور ان کی برانڈ بینگ ہیومن کے فراڈ میں ملوث ہونے سمیت دیگر الزامات کی بنیاد پر دائر کیا ہے۔
کیس کی سماعت کے بعد کمال آر خان نے ٹوئٹر پر جاری بیان میں کہا کہ کورٹ کے حکم کے مطابق میں سلمان خان اور اس کیس سے متعلق بات نہیں کر سکتا یہی وجہ ہے کہ میں سلمان خان کی قانونی ٹیم کے بیان کا جواب نہیں دے سکتا۔
As per court order I am not allowed to talk about Salman or the case, therefore I can’t reply to Salman’s legal team statement today! But I will reply them with full 20 minutes video after 7th June 2021! Ab Aar Paar Ki Hogi! 🙏🏼💪
— KRK (@kamaalrkhan) May 27, 2021
سلمان خان کی جانب سے فلم رادھے کا ریویو کرنے پر ہتک عزت کا مقدمہ دائر کرنے کے حوالے سے کمال آر خان نے سلسلہ وار ٹوئٹس کے ذریعے ردِ عمل کا اظہار کیا ہے۔
https://twitter.com/kamaalrkhan/status/1397343649277435907
علاوہ ازیں کمال آر خان نے یہ بھی کہا کہ سلمان خان کے والد سلیم خان نے ایک انٹرویو میں کہا تھا کہ رادھے اچھی فلم نہیں ہے جس کا یہ مطلب تھا کہ وہ سلمان خان کو اشارہ دے رہے تھے کہ وہ اس بات کو قبول کریں کہ ان کی فلم اچھی نہیں تھی بجائے اس کے کہ وہ ہتک عزت کا مقدمہ دائر کریں۔
Salim Khan Sahab father of Salman has said in his interview that Radhe is a bad film. Means he is giving signal to Salman that he should accept that his film is bad, instead of filing defamation case against me. Thank you Salim Sahab for supporting truth.
— KRK (@kamaalrkhan) May 27, 2021
واضح رہے کہ اداکار سلمان خان کی فلم ‘رادھے: یور موسٹ وانٹڈ بھائی بھائی’ کو 13 مئی کو آن لائن ریلیز کیا گیا تھا۔
سلمان خان کی فلم رادھے کو آئی این ڈی بی (انٹرنیٹ مووی ڈیٹا بیس) پر دو اعشاریہ ایک ریٹنگز موصول ہوئی ہیں۔ آئی این ڈی بی (انٹرنیٹ مووی ڈیٹا بیس) ایک ایسی سائٹ ہے جس پر فلم، ٹیلی ویژن پروگرام، گیمز، آن لائن اسٹریمنگ مواد شخصیات کی ریٹنگز کرتی ہے۔
علاوہ ازیں فلم میں سلمان خان نے ایک پولیس افسر کا کردار ادا کیا ہے جو جرائم پیشہ افراد کا انکاؤنٹر کرتا ہے جب کہ رادھے کی دیگر کاسٹ میں اداکارہ دیشا پٹانی اور جیکی شروف بھی شام ہیں۔ رندیپ ہودا نے فلم میں وِلن کا کردار نبھایا ہے۔
فلم کی ہدایات پربھو دیوا نے دی ہیں۔ اس سے قبل وہ سلمان خان کی مقبول ترین فلموں ‘وانٹڈ’ اور ‘دبنگ تھری’ کی ہدایت کاری بھی کر چکے ہیں۔
Facebook Comments - Accept Cookies to Enable FB Comments (See Footer).