تھر کا لوک گیت موراں بائی
ارے تلریا تو مگریا، مورو بائی لارے رہیا،
اگ میں تو دھوریاں رو دیس، ویرو ونجارو رے
اے موراں بائی! چھوٹے چھوٹے پہاڑی اور میدانی علاقے تو پیچھے رہ گئے ہیں، آگے ریت کے ٹیلوں کا دیس ہے۔ بھائی بنجارا ہے۔
ماڑیں تو بنگلا رے موراں بائی لاریں رہیا،
اگ میں تو جھوپڑاں رو دیس، ویرو ونجارو رے۔
اے موراں بائی محل حویلیاں تو پیچھے رہ گئے، آگے جھونپڑیوں کا دیس ہے، بھائی بنجارا ہے۔
آنبا تو آنبلی موراں بائی لاریں رہیا،
اگ میں تو اکڑاں رو دیس، ویرو ونجارو رے۔
اے موراں بائی آم اور املی کے درخت پیچھے رہ گئے ہیں، آگے آک کے پودوں کا دیس ہے، بھائی بنجارا ہے۔
جائے مت کھجو موراں بائی رے ویرے نا،
ویریو چڑھے پیو گاڈی ریل، ویرو ونجارو رے
جا کر کوئی موراں بائی کے بھائی کو (موراں بائی کی حالت زار کے بارے میں ) نہ بتائے کیوں کہ بھائی ریل گاڑی چڑھ رہا ہے۔ بھائی بنجارا ہے۔
جائے مت کھجو موراں بائی رے ویرے نا،
ویرو آسے آدھی رات، ویرو ونجارو رے
جا کر کوئی موراں بائی کے بھائی کو (موراں بائی کی حالت زار کے بارے میں ) نہ بتائے، ورنہ بھائی آدھی رات کو آ جائے گا، بھائی بنجارا ہے۔
جائے مت کھجو موراں بائی رے ماتاڑی نا،
ماتاڑی روسے دن رات، ویرو ونجارو رے
جا کر کوئی موراں بائی کے ماں کو (موراں بائی دکھوں کی داستاں ) نہ بتائے، ماں دن رات روئے گی، بھائی بنجارا ہے۔
متھیو تو دھویو رے او موراں بائی میٹ سیں،
چاپیو چنبیلی رو تیل، ویرو ونجارو رے
موراں بائی نے چکنی مٹی ( ملتانی مٹی ) سے سر کو دھو کر، اوپر چنبیلی کا تیل لگایا ہے۔
بھائی آن بھاتریجا، مورو بائی لارے رہیا،
اگ میں تو دیوربیجا جیٹھ، ویرو ونجارو رے
اے موراں بائی بھائی آن بھتیجے پیچھے رہ گئے ہیں۔ آگے دیور اور جیٹھ ( شوہر کے چھوٹے اور بڑے بھائی ) ہیں۔ بھائی بنجارا ہے۔
دھوڑئے تاں ڈھڑیو، موراں بائی تو جانیو،
ہیک مانرے ہینئڑے رو ہار، ویرو ونجارو رے
ٹیلے سے جیسے کوئی اترا، موراں بائی نے سمجھا ایک تو میرے دل کا ہار ہے۔ بھائی بنجارا ہے۔
- صحرائے تھر کی مشہور و مقبول لوک داستان ڈھولا مارو - 12/04/2024
- ہمروٹ چھتیسی: عمرکوٹ کا حسن - 25/03/2024
- شاعری کا عالمی دن اورصحرائے تھر کے رومانوی دوہے - 23/03/2024
Facebook Comments - Accept Cookies to Enable FB Comments (See Footer).