پکوان کی بہترین تصاویر کا عالمی مقابلہ: کباب بیچنے والے کشمیری شخص کی تصویرہ بازی لے گئی

27/04/202227/04/2022 بی بی سی family, film, India, kashmir, love, Politics, Woman

Street food vendor surrounded by smoke as they prepare food

انڈیا کے زیرِ انتظام کشمیر میں ایک کباب بنانے والے شخص کی محسورکن تصویر کو ایک بڑا فوٹوگرافی ایوارڈ مل گیا ہے۔ دیبدتا چکربورتی کو پنک لیڈی فوٹوگرافر آف دی ایئر 2022 کا ایوارڈ دیا گیا۔ انھوں نے یہ تصویر انڈیا کے زیرِ انتظام کشمیر کے شہر سرینگر میں بنائی تھی اور اسے کبابیانہ کا نام دیا تھا۔

انڈین فوٹوگرافر نے یہ تصویر ایک پرہجوم سڑک پر رات کے وقت بنائی تھی جب گلی میں پکوان بنانے والے وازوان کباب اور دیگر کھانے بنانے میں مصروف تھے۔

اس ایوارڈ کی بانی اور ڈائریکٹر کیرولین کینیون کہتی ہیں کہ ’آج کی دنیا میں، پہلے سے زیادہ ہمیں محبت اور سکون کی طلب ہوتی ہے اور اس تصویر میں ہمیں اس بارے میں یقین دہانی کروانے کے لیے بہت کچھ ہے۔ خوبصورتی سے عکس بند کیے گئے دھوئیں کا حصار، سنہری روشنی اور اس شخص کے چہرے کے تاثرات جو کھانا دوسروں سے شیئر کرنے کے لیے بنا رہا ہے۔‘

وہ مزید کہتی ہیں کہ ’چنگاریاں انگیٹھی سے اڑتی دیکھی جا سکتی ہیں، اور بھنے ہوئے گوشت کی خوشبو ہم تصویر دیکھتے ہی سونگھ سکتے ہیں۔ ایسے میں ہم اس کا گرم اور مزیدار ذائقے کا بھی تصور کر لیتے ہیں۔‘

اس تصویر سے پیار چھلکتا ہے لیکن انتہائی متاثر کن بھی، یہ ایک روح پرور منظر ہے۔‘

اس مقابلے کے لیے 60 سے زیادہ ممالک سے ہزاروں افراد نے شرکت کی اور جیتنے والوں کا اعلان آن لائن ایک لائیو سٹریم ایونٹ کے ذریعے کیا گیا۔

یہاں ہم آپ کو اس مقابلے کی مختلف درجہ بندیوں میں جیتنے والے فوٹوگرافرز کی تصاویر پیش کر رہے ہیں۔

چینیوں کا روایتی ہنر (شین یینگ کی تصویر)

A family making red coloured dumplings — یہ تصویر چین میں ایک چھوٹے سے فارم ہاؤس میں بنائی گئی ہے۔ یہاں ایک خاندان اکھٹے ہو کر ایک خاص قسم کا روایتی پکوان بنا رہے ہیں۔ وہ ایک لکڑے کے سانچے کی مدد سے ان ڈمپلنگز میں ’مقدر‘ اور ’خوشی‘ جیسے الفاظ کندہ کر رہے ہیں اور انھیں ایک بڑی کڑاھی میں تلنے کا اہتمام کر رہے ہیں۔ اس روایت کا مقصد یہ ہوتا ہے کہ نئے سال کو خوش آمدید کہا جائے گا، اور اگلا برس خوشحال ثابت ہو گا۔

ٹیبل پر پکوان: برطانیہ میں جان کیری کی تصویر

رٹز ریستوارن کا تجربہ اس تصویر میں ایک مخصوص انداز میں عیاں ہے

فیوجی فلم ایوارڈ فار انوویشن: سینٹرل پارک، یولی واسیلیو، بلغاریہ

دی کلیئر آہو ایوارڈ فار وومن فوٹوگرافرز: جنوبی افریقہ میں مارگریٹ اویلوفس کی تصویر

پھول — فرانسیسی فنکار ہینری میٹیس سے متاثر ہو کر افریقی ثقافت کو ابھارنے کی کوشش کی گئی

برطانیہ میں کاسیا سیسیلسکا فیبر کی تصویر میں مچھلیوں کو سکھانے کا منظر

پکوانوں کی سیاست: خوابوں کی اڑان، بنگلہ دیش سے کے ایم اسد کی تصویر

A young girl looks up as she collects water — ایک چھوٹی بچی اپنی بڑی بہن کے ساتھ مل کر پانی بھر رہی ہے، یہ تصویر بنگلہ دیش کے دارالحکومت ڈھاکہ میں گذشتہ برس بنائی گئی ہے۔

فوڈ سٹائلسٹ ایوارڈ: جرمنی سے کیرولین سٹروتھ کی تصویر

مچھلی بنانے کا منظر، روپکوتھا رائے بارائے، بنگلہ دیش

Two women and a child squat outside as they process fish — بنگلہ دیش میں گاؤں کی خواتین مچھلی بنانے کے مراحل میں ہیں

ایرازوریز وائن فوٹوگرافر آف دی ایئر: جان ویانڈ کی برطانیہ سے تصویر

A man in a misty vineyard gathering prunings

پاؤلو گرنزا اور سلویا واؤلا کی اٹلی سے گاجر کی فصل کی تصویر

Carrots sliced vertically sit in soil, with hands holding their leaves — یہ تصویر ایک ایسی فوٹوگرافی سیریز کا حصہ ہے جس کا عنوان ہے کام کرتے ہاتھ۔

پنک لیڈی فوڈ فوٹوگرافر آف دی ایئر (جنوبی مشرقی ایشیا: مچھیروں کی دنیا، ویتنام میں بنائی گئی تصاویر، تھیئن نگویین

یہ تمام تصاویر پنک لیڈی فوڈ فوٹوگرافر آف دی ایئر 2022 کی اجازت سے استعمال کی گئی ہیں۔ آخری مرحلے تک پہنچنے والی تصاویر برسٹل رائل فوٹو گرافک سوسائٹی میں 20 نومبر سے 12 دسمبر 2022 تک دکھائی جائیں گے۔

Facebook Comments HS