گال ٹیسٹ: سری لنکا کی عمدہ بیٹنگ، اظہر علی ٹیم سے ڈراپ
پاکستان اور سری لنکا کے مابین گال کے میدان میں جاری دوسرے ٹیسٹ میں پہلے دن کھیل کے اختتام پر سری لنکا چھ وکٹوں کے نقصان پر 315 رنز بنا لیے ہیں۔
سری لنکا نے ٹاس جیت کر پہلے بیٹنگ کا فیصلہ کیا اور پہلے دن عمدہ بیٹنگ کا مظاہرہ کیا۔
پاکستان نے پہلا ٹیسٹ جتینے والی ٹیم میں دو تبدیلیاں کیں اور تجربہ کار بیٹسمین اظہر علی کو ڈراپ کر کے فواد عالم کو واپس ٹیم میں شامل کیا۔
95 میچوں میں پاکستان کی نمائندگی کرنے والے اظہر علی ایک عرصے سے عمدہ کھیل کا مظاہرہ نہیں کر پا رہے تھے۔
فاسٹ بولر شاہین شاہ آفریدی جو پہلے ٹیسٹ میں زخمی ہو گئے تھے ان کی جگہ آف سپنر نعمان علی کو ٹیم میں شامل کیا ہے۔
تفصیلی سکور کارڈ کے لیے کلک کریں
سری لنکا نے ٹاس جیت کر پہلے بیٹنگ کا فیصلہ کیا تو اس کے ابتدائی بلے بازوں نے ٹیم کو عمدہ آغاز فراہم کیا۔ سری لنکا کی پہلی وکٹ 92 رنز پر گری جب اوسادا فرنینڈو محمد نواز کی گیند پر وکٹ کیپر محمد رضوان کے ہاتھ کیچ آوٹ ہو گئے۔
پاکستان کو دوسری کامیابی جلد ہی مل گئی جب کسال مینڈیس صرف تین رنز بنا کر رن آؤٹ ہو گئے۔
سری لنکا کے تجربہ کار بیٹسمینوں اینجلو میھیوز اور چندی مل نے مل کر ٹیم کو استحکام مہیا کیا۔
اینجلو میتھوز اور چندی مل بالترتیب 42 اور 80 رنز بنا کر آؤٹ ہوئے۔
محمد نواز نے دو وکٹیں جبکہ یاسر شاہ، نعمان علی، اور نسیم شاہ نے ایک ایک وکٹ حاصل کی۔
فاسٹ بولر نسیم شاہ نے پہلے روز انتہائی عمدہ نپی تلی بولنگ کا مظاہرہ کیا اور بارہ اووروں میں 34 رنز دے کر ایک وکٹ حاصل کی۔ کپتان بابر اعظم نے نسیم شاہ کی گیندوں پر دو قدرے آسان کیچ گرائے۔ دونوں موقعوں پر گیند بابر اعظم کے ہاتھ میں آئی لیکن وہ اسے تھام نہ سکے۔
خیال رہے کہ دو ٹیسٹ میچوں پر مشتمل جاری سریز میں پاکستان ایک میچ جیت چکا ہے۔
نوجوان اوپنر عبداللہ شفیق کی شاندار سنچری کی بدولت پاکستان نے سری لنکا کو چار وکٹوں سے شکست دی تھی۔
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
- دنیا کے دوسرے مصروف ترین دبئی ایئرپورٹ کی کہانی: ’یہاں حالات بدترین نہیں بلکہ خطرناک ہیں، ہمیں جانوروں کی طرح رکھا گیا ہے‘ - 18/04/2024
Facebook Comments - Accept Cookies to Enable FB Comments (See Footer).