امریکہ: ریاست ورجینیا کے شاپنگ مال میں فائرنگ سے سات افراد ہلاک، متعدد زخمی

شہری حکام نے کہا ہے کہ خیال کیا جاتا ہے کہ حملہ آور شاپنگ مال کا ایک مینجر تھا جس نے فائرنگ  کے بعد خود کو بھی ہلاک کر لیا ہے۔

پولیس نے بتایا کہ حملہ مقامی وقت کے مطابق 22:12 بجے (03:12 GMT) پر ہوا۔

 یہ ایک ہفتے سے بھی کم عرصے میں امریکا میں دوسری بڑی شوٹنگ ہے۔ ایک ہفتہ قبل کولوراڈو کے ایک کلب میں فائرنگ سے 5 افراد ہلاک ہوئے تھے۔

ابھی تک یہ واضح نہیں ہے کہ حملے کے محرکات کیا تھے

 واقعے کی ظاہر ہونے والی فوٹیج میں ایک عینی شاہد جس نے وال مارٹ کی یونیفارم پہن رکھی ہے بتاتا ہے کہ وہ ایک سٹاف روم سے نکلا تھا جس کے بعد ایک مینجر داخل ہوا اور اس نے فائرنگ کر دی۔

عینی شاہد نے کہا: "افسوس کی بات ہے کہ ہم نے اپنے چند ساتھیوں کو کھو دیا۔"

 اس شخص نے واضح کرتے ہوئے کہا کہ اسے نہیں معلوم کہ اس کے کتنے ساتھیوں کو گولی لگی ہے۔