دنیا کی سب سے طویل العمر بلّی کا نام گنیز بک میں شامل
جنوب مشرقی لندن میں رہنے والی ایک بلی کو دنیا کی سب سے طویل العمر بلی قرار دے دیا گیا ہے۔
اورپنگٹن شہر کے ایک خاندان کے ساتھ رہنے والی 26 سالہ فلوسی کو گنیز بک برائے عالمی ریکارڈز نے دنیا کی سب سے طویل العمر بلی تسلیم کرتے ہوئے کہا ہے کہ انسانی عمر سے موازنہ کریں تو یہ 120 سال کے برابر ہے۔
بلی کی مالکن وکی گرین نے فلوسی کو ’زبردست بلی‘ قرار دیا۔ وہ اسے بلیوں کے شیلٹر ہوم سے اپنے گھر لائے تھے۔
وکی نے بتایا کہ فلوسی بہری ہے، اس کی نظر کمزور ہو رہی ہے مگر یہ اب بھی پیار کرتی ہے اور کھیلتی ہے۔
وکی کہتی ہیں کہ ’مجھے شروع سے معلوم تھا کہ فلوسی ایک خاص بلی ہے۔ مگر میں نے یہ تصور نہیں کیا تھا کہ میں کبھی گنیز ورلڈ ریکارڈ ہولڈر کے ساتھ گھر میں رہوں گی۔‘
اُنھوں نے کہا کہ ’یہ اتنی پیاری اور شوخ ہے، یہ سوچ کر اور بھی اچھا لگتا ہے جب آپ اس کی عمر کا خیال کریں۔‘
گنیز ورلڈ ریکارڈز کا کہنا ہے کہ فلوسی مرسی سائیڈ ہسپتال کے پاس بلیوں کے ایک شیلٹر میں تھی جب وہاں کام کرنے والے دو ورکرز نے ان پر ترس کھایا اور ایک ایک بلی کو گھر لے آئے۔
فلوسی اور وہ خاتون ورکر 10 برس تک ساتھ رہے۔ پھر وہ خاتون وفات پا گئیں تو ان کی بہن نے فلوسی کو 14 برس تک اپنے ساتھ رکھا۔ جب ان کی وفات ہو گئی تو وکی گرین نے فلوسی کو اپنا لیا کیونکہ گنیز کے مطابق وکی کو بڑی عمر کی بلیاں پالنے کا تجربہ تھا۔
- جمیلہ علم الہدیٰ: مشکل وقت میں شوہر کے ہمراہ ’گھریلو اخراجات اٹھانے والی‘ ایرانی صدر کی اہلیہ کون ہیں؟ - 23/04/2024
- ’مایوس‘ والدہ کی چیٹ روم میں اپیل جس نے اُن کی پانچ سالہ بیٹی کی جان بچائی - 23/04/2024
- مبینہ امریکی دباؤ یا عقلمندانہ فیصلہ: صدر ابراہیم رئیسی کے دورہ پاکستان کے دوران ’ایران، پاکستان گیس پائپ لائن‘ منصوبے کا تذکرہ کیوں نہیں ہوا؟ - 23/04/2024
Facebook Comments - Accept Cookies to Enable FB Comments (See Footer).