بالی ووڈ اداکار ارشد وارثی اور ان کی اہلیہ پر انڈین سٹاک مارکیٹ میں شیئرز کی خرید و فروخت پر پابندی عائد


arshad warsi
بالی ووڈ اداکاراور یوٹیوب انفلوئنسر ارشد وارثی اور ان کی اہلیہ پر انڈیا کی سٹاک مارکیٹ میں خرید و فروخت پر پابندی عائد کر دی گئی ہے۔

مارکیٹ ریگولیٹر کے مطابق ارشد وارثی سمیت 40 سے زائد افراد پر شیئر مارکیٹ میں شرکت پر پابندی کا فیصلہ سٹاک مارکیٹ میں مبینہ ہیرا پھری کے الزامات سامنے آنے پر کیا گیا ہے۔

ادارے کے بیان کے مطابق چار یوٹیوب چینلز پر ویڈیوز کو مصنوعی طور پر کچھ شیئرز کی قدروں کو بڑھانے کے لیے استعمال کیا گیا تھا۔

تاہم ارشد وارثی اور ان کی اہلیہ نے ان تمام الزامات کی تردید کی ہے۔

سیکورٹیز اینڈ ایکسچینج بورڈ آف انڈیا نے اپنی تحقیقات میں کہا ہے کہ یو ٹیوبر منیش مشرا نے اپنے چینلز دی ایڈوائزر اور منی وائس میں مشہور شخصیات کے زریعے سرمایہ کاروں کو مبینہ طور پر ان دو کمپنیوں میں رقوم لگانے سے متعلق راغب کیا۔

ایسی ہی وڈیوز میڈ کیپ کالز اور پروفیٹ یاترا نامی یو ٹیوب چینلز پر بھی اپ لوڈ کی گئیں۔

ادارے کےمطابق ان وڈیوز میں غلط اور گمراہ کن معلومات دے کر سرمایہ کاروں کو راغب کیا گیا کہ وہ ان کے حصص خریدیں۔ سیکورٹیز اینڈ ایکسچینج بورڈ آف انڈیا کے مطابق غیرمعمولی منافع کا جھانسہ دے کر لوگوں کو اپنے شیئرز خریدنے پر آمادہ کرنے کی کوششوں کے الزام میں ان افراد پر پابندی عائد کی گئی ہے۔

ایس ای بی آئی کے مطابق تحقیقات میں یہ بات سامنے آئی ہے کہ ان چینلز کے لاکھوں سبسکرائبرز تھے جنھوں نے ان کی ویڈیوز کو دیکھنے کے لیے مارکیٹنگ کی مد میں ادائیگیاں کیں اور یہ وڈیوز لاکھوں لوگوں نے دیکھیں۔

یہ بھی پڑھیے:

نوجوان پرخطر سرمایہ کاری کیوں کر رہے ہیں کہ حکام اس بات سے پریشان ہیں

اڈانی کی کاروباری سلطنت کو چند دنوں میں 100 ارب ڈالر کا نقصان کیسے پہنچا؟

’کارپوریٹ تاریخ کے سب سے بڑے دھوکے‘ کا الزام: انڈین ارب پتی کی دولت سے دو دن میں 20 ارب ڈالر کا صفایا

قیمتوں میں ہیرا پھیری میں ملوث اداروں نے اپنے اپنے حصص بیچ کر منافع کمایا جبکہ قیمتیں زیادہ تھیں۔

مارکیٹ ریگولیٹر نے سکینڈل کے ذریعے تقریباً 540 ملین انڈین روپوں کے غیر قانونی منافع کو ضبط کر لیا ہے جو انھوں نے لوگوں کو جھانسہ دے کرکمایا تھا۔

انڈین سیکیورٹی ایکسینج کے مطابق ارشد وارثی نے اس فراڈ میں 29 لاکھ سے زائد جبکہ ان کی اہلیہ ماریا گورٹی نے 37 لاکھ سے زائد روپے کا منافع کمایا۔

دوسری جانب ارشد وارثی نے ان الزامات کے بعد ٹویٹ کی کہ ان کے بارے میں شائع خبروں پر یقین نہ کیا جائے۔ ان کے مطابق ’مجھے اورماریا کو سٹاک مارکیٹ کے بارے میں کچھ علم نہیں تھا اور تیسرے فریق کے مشورے پرہم شردا میں سرمایہ کاری کی اور بہت سے دوسرے لوگوں کی طرح اپنی زندگی بھر کی کمائی سے ہاتھ دھو بیٹھے ہیں۔

https://twitter.com/ArshadWarsi/status/1631242225496489984?s=20

انڈین اخبار ’منٹ‘ کی رپورٹ کے مطابق متنازع ویڈیوز اب یوٹیوب پر عوامی طور پر دستیاب نہیں ہیں تاہم یہ وڈیوز ایس ای بی آئی کے ریکارڈ پر موجود ہیں۔


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32291 posts and counting.See all posts by british-broadcasting-corp

Subscribe
Notify of
guest
0 Comments (Email address is not required)
Inline Feedbacks
View all comments