برطانیہ کے دلچسپ عام انتخابات

چار جولائی کو برطانیہ کے تمام صوبوں /علاقوں یعنی انگلینڈ، سکاٹ لینڈ، ویلز اور شمالی آئرلینڈ میں عام انتخابات ہو رہے ہیں۔ گزشتہ چودہ سالوں سے کنزرویٹو پارٹی جسے ٹوری پارٹی بھی کہا جاتا ہے برسراقتدار ہے لیکن اس بار صورتحال دلچسپ ہے۔

برطانیہ کی موجودہ پارلیمنٹ کی مدت پانچ سال مکمل کرنے کے بعد 28 جنوری 2025 کو ختم ہونے والی تھی لیکن وزیر اعظم رشی سنک نے اچانک اسمبلی تحلیل کر دی اور 4 جولائی کو عام انتخابات کا اعلان کر دیا اور ملک میں فوری طور پر انتخابی مہم شروع ہو گئی۔

اس جماعت کے گزشتہ چودہ سالوں میں دو اہم واقعات رونما ہوئے جن کے ملک پر گہرے اثرات مرتب ہوئے۔ برطانوی عوام کی جانب سے 2016 میں یورپی یونین چھوڑنے کے حق میں دیا گیا فیصلہ، جو 2020 میں شروع ہوا، دوسرا کورونا کی عالمی وبا تھی جس میں اس ملک میں لاکھوں افراد لقمہ اجل بن گئے اور واضح طور پر دیکھا گیا کہ حکومت اس وبا کو روکنے میں ناکام رہی۔ اچھی طرح سے کنٹرول نہیں کیا، لوگوں کے اموات پر کچھ تفتیشی عمل بھی کیا گیا، لیکن عام طور پر کسی کو سزا نہیں دی گئی، تاہم 2019 کے انتخابات میں جیتنے والے مقبول ترین وزیر اعظم بورس جانسن اس قدر بدنام ہوئے کہ ان کی ہی پارٹی نے انہیں عہدے سے ہٹا دیا۔

درحقیقت ان دونوں واقعات نے برطانوی معیشت اور معاشرت پر بڑے اثرات مرتب کیے جن کا قدامت پسند پارٹی سامنا نہ کر سکی اور اس قدر غیر مقبول ہو گئی کہ سیاسی تجزیہ کاروں کی پیشین گوئی کے مطابق کنزرویٹو پارٹی کو چار جولائی کے انتخابات انتخابات میں تاریخی شکست کا سامنا کرنا پڑے گا۔

انگلستان کی جمہوریت اور پارلیمنٹ بہت پرانی ہے، اگرچہ یہ ہمیشہ بادشاہت کے سائے میں کام کرتی ہے، لیکن یہاں جمہوری روایات کی سختی سے پاسداری کی جاتی ہے اور وقفے وقفے سے انتخابات ہوتے ہیں، اس لیے بادشاہت کے اختیارات تاریخی طور پر کم ہوتے ہیں اور پارلیمنٹ مضبوط ہوتی ہے۔

برطانیہ کا سب سے طاقتور جمہوری ادارہ ہاؤس آف کامنز ہے جو کہ پاکستان کی قومی اسمبلی سے ملتا جلتا ہے، جس کے 650 منتخب اراکین ہیں، جن میں سے 533 اراکین انگلستان کے صوبے، 59 اراکین سکاٹ لینڈ، 40 اراکین ویلز اور باقی 18 ارکان شمالی آئرلینڈ سے ہیں۔ ان سب کی اکثریت مل کر لندن میں برطانیہ کی حکومت بناتے ہیں، جو گلاسگو سے بیلفاسٹ تک اپنی حکمرانی چلا سکتی ہے، تینوں صوبوں کی اپنی صوبائی حکومتیں بھی ہیں، لیکن انگلستان کے صوبے میں کوئی صوبائی پارلیمان نہیں ہے۔

2010 سے کنزرویٹو پارٹی (ٹوری پارٹی) مسلسل حکومت کر رہی ہے۔ کئی سالوں سے یورپی یونین کے معاملے پر پارٹی کے اندر دو دھڑے تھے، ایک یورپ میں رہنے کے حق میں تھا اور دوسرا یونین سے علیحدگی کا حامی تھا۔

2016 مین اس وقت کے وزیر اعظم ڈیوڈ کیمرون نے قومی ریفرنڈم (ریفرنڈم) کا اعلان کیا اور یورپی یونین میں رہنے کے حق میں مہم چلائی، لیکن عوام نے قلیل اکثریت سے یونین چھوڑنے کا فیصلہ کیا، کیونکہ بورس جانسن نے عوام مین پرکشش نعرے لگائے۔ اور ڈیوڈ کیمرون استعفیٰ دے کر گھر چلے گئے۔

یونین سے چالیس سالہ رفاقت کو مکمل طور پر توڑنا اتنا آسان نہیں تھا، اس لیے پارٹی خود بحران کا شکار ہو گئی اور پانچ سالوں میں پانچ وزرائے اعظم لے آئی۔

لز ٹرس تو اپنی حکومت صرف 45 دن چلا سکیں۔ اس دوران مہنگائی نے 40 سالہ ریکارڈ توڑ دیا اور ہر ہفتے ڈاکٹروں، نرسوں، ٹرین ڈرائیوروں اور اساتذہ کی ہڑتالیں معمول بن گئیں۔

اس لئے کہا جاسکتا ہے کے 4 جولائی کو ہونے والا الیکشن ٹوری پارٹی کے لیے کوئی اچھی خبر نہیں لائے گا۔

ماہرین کی جانب سے جاری کی جانے والی ایسی پیش گوئیاں اکثر سچ ثابت ہوتی ہیں، ابھی چند سال قبل ڈونلڈ ٹرمپ کی امریکی الیکشن نہ جیتنے کی پیش گوئی جھوٹی ثابت ہوئی اور ٹرمپ امریکا کے صدر بن گئے۔

برطانیہ میں الیکشن میں کھڑے ہونے کے لیے ضمانت کے طور پر 500 پاؤنڈز جمع کرانا پڑتے ہیں اور اگر کوئی امیدوار 5 فیصد ووٹ بھی حاصل نہ کر سکے تو ضمانت کے طور پر دی گئی رقم ضبط کر لی جاتی ہے۔

کنزرویٹو اور لیبر پارٹیاں برطانیہ کے جمہوری نظام میں روایتی حریف رہی ہیں، ان کی دشمنی سو سال سے زیادہ عرصے سے جاری ہے۔ 1940 سے 1945 تک مشہور رہنما ونسٹن چرچل جو کہ کنزرویٹو پارٹی کے رکن تھے وزیر اعظم رہے۔ اس کے بعد لیبر پارٹی کے رکن کلیمنٹ ایٹلی 1951۔ 1945 کی مدت کے لیے برطانیہ کے وزیر اعظم رہے۔

موجودہ پارلیمنٹ ہاؤس 1860 سے ہاؤس آف کامنز کے اجلاسوں کی میزبانی کر رہا ہے۔ عمارت کا سرکاری نام ویسٹ منسٹر پیلس ہے اور یہ برطانیہ کے بادشاہ یا ملکہ کی ملکیت ہے۔

کنزرویٹو پارٹی (ٹوری پارٹی) اور لیبر پارٹی کے علاوہ دو دیگر جماعتیں بھی اچھی پوزیشن میں ہیں لیکن وہ اپنے طور پر حکومت بنانے کی پوزیشن میں نہیں ہیں۔

امکان ہے کہ اس سال لیبر پارٹی کو نہ صرف واضح اکثریت ملے گی بلکہ تاریخی فتح بھی ملے گی۔ مسٹر نائجل فاریج کی ریفارم پارٹی بھی دائیں بازو کی جماعت ہے اور امکان ہے کہ قدامت پسند ووٹ حاصل کرے گی اور اس کے نتیجے میں لیبر پارٹی کو فائدہ پہنچے گا۔ دونوں پارٹیوں کے منشور پر نظر ڈالیں تو لیبر کا منشور بھی بہت اچھا اور انقلابی نہیں ہے لیکن چونکہ ٹوری پارٹی بہت ذلیل ہو چکی ہے اس لیے لیبر پارٹی صورتحال کا فائدہ ضرور اٹھائے گی۔

اس دوران کچھ ایسی خبریں بھی میڈیا کی زینت بنیں، جنہیں دیکھ کر لوگوں کو لگتا ہے کہ یہ برطانیہ نہیں تیسری دنیا کا غریب ملک ہے۔ پرائیویٹ سیوریج ڈسپوزل کمپنیوں نے بغیر ٹریٹمنٹ کے اس گندے پانی کو غیر قانونی طور پر یہاں کے دریاؤں میں چھوڑا اور یہ عمل دو چار بار نہیں بلکہ ہزاروں اور لاکھوں بار دہرایا گیا۔

کورونا وبا کے دوران ڈاکٹروں اور ہسپتال کے دیگر عملے کو حکومت کی جانب سے ہنگامی بنیادوں پر حفاظتی سامان فراہم کیا گیا۔

اس کے لیے سرمایہ داروں اور تاجروں کو لاکھوں اور کروڑوں کے ٹھیکے دیے گئے اور کل بل 10 ارب پاؤنڈ تھا۔ اس کے بعد کچھ ٹھیکیدار معیار کے مطابق حفاظتی سامان بروقت نہ پہنچا سکے اور رقم ضائع ہو گئی۔ حال ہی میں بی بی سی نے خبر دی کہ ایسے ہی ایک تاجر کو جیل بھیج دیا گیا ہے۔ لیکن اب بہت دیر ہو چکی ہے اور قدامت پسند جماعت کو عوام کو حساب دینا ہو گا۔