ایک قوم ایک منزل۔ بلا شبہ یہ نعرہ ہر پاکستانی کے دل کی آواز ہے اور اس کا سب واضح مظہر تحریک پاکستان میں نظر آتا ہے جب مسلمانان ہندوستان نے صرف ایک منزل کا انتخاب کیا۔ ایک قوم بن کر اس منزل کی خاطر قربانیاں دیں۔ اور بالآخر پاکستان کی صورت میں اس منزل کا پلیٹ فارم یعنی کہ پاکستان حاصل کر لیا۔ مگر پھر لگتا ہے کہ وہ منزل ہی مبہم ہو گئی۔ آیا وہ منزل ایک اسلامی ریاست تھی یا پھر قومی ریاست اور ہم نے اس منزل کے لیے کیا کردار ادا کیا۔