معاشی بدحالی اپنے عروج پہ ہے گورنمنٹ اکانومی کا کو ئی ہدف پورا نہیں کر سکی میجر کراپس نیگیٹو گروتھ۔ بجٹ آمدنی اور خرچ پہ بنایا جاتا ہے۔ یہاں آمدنی تو زیرو ہے خرچ ہی خرچ ہے عام آدمی پر ٹیکسز کا بوجھ پڑے گا ایک فیملی جو تیس ہزار ماہانہ کماتی ہے ان پر سالانہ ٹیکس لگا دیا جو ان کی زندگیوں کو ہلا کر رکھ دے گا۔

لوئر مڈل کلاس کو اس بات سے غرض نہیں کہ کون گرفتار ہوا کون سرِدار ہو ا ان کا پیٹ ان باتوں سے نہیں بھرتا ان کے منہ سے نوالہ چھین لیا گیا آپ نے آٹا، چا ئے، دال، چینی، آلو، ٹماٹر، چاول، دودھ، گوشت، پیٹرول، ڈیزل ان کی پہنچ سے دور کر دیے

منتخب کے نام پہ عوام پہ مسلط کیے گئےحکومتی ارکان پر شطرنج کی بازی الٹی پڑ گئی عام آدمی اپنے استحصال پہ سراپا احتجاج اور نام نہاد منتخب نمائندے اپنے استحصال پہ سراپا احتجاج ہیں۔

صدارتی نظامکی راہیں ہموار کرنے کے لئے منتخب نمائندوں کی بجائےغیر منتخب مشیروں اور معاونین خصوصی پر اعتماد کا اظہار کیا جا رہا ہے۔ اب وفاقی کابینہ مشیروں اور معاونین پر مشتمل ہو گی جو کہ پارلیمنٹ کو جوابدہ نہیں ہوں گے ۔ وفاقی کابینہ میں تبدیلی صدارتی نظام کی جانب پیش قدمی ہے یعنی اقتدار و اختیار ان قوتوں کے ہاتھوں میں ہو گا اجنہیں نہ تو عوامی تائید حاصل ہو گی اور نہ ہی عوام کے سامنے جوابدہ ہوں گے۔