اب سے چند گھنٹے قبل جب آپ اور میں جنوری کی سرد شام کو اپنے اپنے طریقے گزار رہے تھے، جو کِسی بھی طرح کوئی انقلابی قدم کہلائے جانے کے زُمرے میں یقیناً نہیں آتا، سرحد پار ایک بہادر خاتون جان پر کھیل کر صدیوں پرانے رواج توڑتی، نئی تاریخ رقم کر رہی تھیں۔

چھیالیس سالہ سسی کلا کا تعلق سری لنکا سے ہے اور انہوں نے آج، اب سے چند گھنٹے قبل کیرالہ کے گھنے جنگلات میں گھِرے ایک پہاڑ کی چوٹی پر واقع سبریمالا مندر کے اندر تک رسائی حاصل کی۔

بہت زور کا دھماکا سنائی دیا۔ برتنوں کی جھنکار نے مزید کھلبلی مچا دی۔ چھٹی کا دن تھا ۔ بستر سے جدائی کا کوئی فوری ارادہ نہ تھا پر اتنا شور وغُل سن کر تقریباً بھاگتے ہوئے باہر آنا پڑا۔ آواز کے رُخ کا تعین کیا تو جائے وقوع کچن معلوم ہوا۔ جیسے ہی کچن میں قدم رکھا، سر چکرا کر رہ گیا۔ قدموں تلے زمین کھِسکتی محسوس ہوئی۔ سامنے فرش پر مُلکی معاشی و ترقی پالیسی، زمیں بوس تھی۔