سائبر ٹرولنگ پاکستانی معاشرے کی سب سے بڑی لعنت ہے
پاکستان میں بدھ کو ایک ہیش ٹیگ ٹرینڈ کر رہا ہے جو کہ سائبر بُلنگ کے متعلق ہے۔
#SayNoToCyberBullying کس نے شروع کیا اور یہ بدھ کو کیوں ٹرینڈ کر رہا ہے اس کے متعلق تو پتہ نہ چل سکا لیکن لوگوں کے ٹویٹ دیکھ کر اور کل ہی بی بی سی اردو کی رپورٹ کو، جس میں لاہور میں انسانی حقوق کی کارکن دیپ سعیدہ کا سائبر بلنگ کے حوالے سے انٹرویو کیا گیا تھا، سامنے رکھتے ہوئے لگتا ہے کہ سائبر بُلنگ پاکستان میں بڑھتا ہوا مسئلہ ہے۔
لیکن ایک اور قابلِ ذکر بات یہ ہے کہ بہت سے لوگوں نے ’پرانے ٹوئٹر‘ کی بات بھی کی اور اسے کسی نہ کسی طرح سائبر بُلنگ سے جوڑا ہے۔ آخر لوگ اتنے ‘نوسٹالجک’ کیوں ہیں اور کیوں ماضی یاد کیا جا رہا ہے۔
سنا تو یہ تھا کہ یادِ ماضی عذاب ہے یا رب/ چھین لے مجھ سے حافضہ میرا۔ لیکن ٹوئٹر پر ٹرینڈ تو کچھ الٹا ہی نظر آ رہا ہے۔ آئیے لوگوں کی طرف سے کی جانے والی ٹوئیٹس پر ایک نظر دوڑاتے ہیں۔
Cyber trolling is one of the biggest curses our paki twitter is facing. This should be stopped immediately because this has gone beyond limits now. People are trolling eachother for looks and their appearance which is not acceptable at all.
#SayNoToCyberBullying— ammara (@ammaracadabra) May 15, 2018
ایک ٹوئٹر صارف عمارا لکھتی ہیں کہ ‘سائبر ٹرولنگ پاکستانی معاشرے کی سب سے بڑی لعنت ہے۔ اسے فوراً روکنا چاہیے کیوں کہ یہ حدیں پار کر چکی ہے۔ لوگ ایک دوسرے کو خدو خال اور شکل کی وجہ سے ٹرول کرتے ہیں جو کہ کسی طور قبول نہیں۔’
Social sites are the most common tool used nowadays for bullying people. Internet should be used as a source of connection and information not for the purpose of hurting someone. #SayNoToCyberBullying
— Faiqa. (@_coldmess) May 15, 2018
فائقہ کے مطابق ‘سوشل سائٹس آج کل لوگوں کو ہراس کرنے کے لیے سب سے زیادہ استعمال ہونے والا ٹول ہے۔ انٹرنیٹ کو رابطے اور معلومات کے لیے استعمال کرنا چاہیے، دوسروں کو آزار پہنچانے کے لیے نہیں۔’
I remember when twitter was all fun and people didn’t use to degrade others just to approve their humour on this social site. #SayNoToCyberBullying
— umar (@umarants) May 15, 2018
ایک اور صارف عمر ٹوئٹر کا گزرا ہوا زمانہ یاد کرتے ہوئے لکھتے ہیں کہ ‘میں ٹوئٹر کا وہ زمانہ یاد کرتا ہوں جب یہ بس ایک مزہ تھا اور لوگ اسے دوسروں کو نیچا دکھانے کے لیے استعمال نہیں کرتے تھے۔’
https://twitter.com/ParhLeNalaik/status/996410087106375683
اینی لکھتی ہیں کہ ‘ایک زمانہ تھا کہ جب سب ٹوئٹر کا اچھا استعمال کرتے تھے لیکن اب سبھی اس پر نفرت پھیلاتے ہیں اور سستی ٹرولنگ اور اس کا غلط استعمال کرتے ہیں۔’
ایک اور صارف قادری بھی ٹوئٹر کے ماضی کو یاد کرتے ہوئے کہتے ہیں کہ کیا وقت تھا جب لوگوں کو ‘سائبر بلی’ نہیں کیا جاتا تھا۔
عائشہ کا کہنا ہے کہ ’ٹوئٹر ایک اچھی جگہ ہوا کرتی تھی۔ لیکن اب یہ ایسا پلیٹ فارم ہے جہاں لوگ ‘لائکس’ اور ‘ری ٹویٹس’ کے لیے دوسروں کی بے عزتی کرتے ہیں۔’
Cyber bullying hurts as much as real bullying does, it must stop#SayNoToCyberBullying
— Tayyab Memon (@TayyabMemon) May 15, 2018
طیب میمن لکھتے ہیں کہ ‘سائبر بُلنگ بھی اتنا ہی دکھ دیتی ہے جتنا اصل بُلنگ۔ اسے ہر حال میں رکنا چاہیے۔’
سدرا سائبر بلنگ کی وجہ سے اپنے ڈپریشن کے متعلق لکھتی ہیں کہ ‘جب میں میٹرک میں تھی تو میری تصاویر لیک کی گئی تھیں۔ مجھے آج تک یہ معلوم نہیں ہو سکا کہ ایسا کیسے ہوا اور اسے کس نے کیا لیکن جو مجھے معلوم ہے وہ یہ ہے کہ اس وقت میرے دماغ میں خود کشی واحد راستہ دکھائی دیتا تھا۔’
StopCyberBullying# کیوں ٹرینڈ کر رہا ہے؟
بی بی سی اردو نے یہ جاننے کے لیے کہ یہ ہیش ٹیگ بدھ کو کیوں ٹرینڈ کر رہا ہے اور سائبر بلنگ پاکستان میں کتنا بڑا مسئلہ ہے پاکستان میں ڈجیٹل رائٹس فاؤنڈیشن سے وابستہ شمائلہ خان سے بات کی تو انھوں نے کہا کہ آن لائن ہراساں کرنا پاکستان میں ایک مسئلہ ہے اور یہ کافی زیادہ شروع ہو گیا ہے۔ انھوں نے کہا کہ انٹرنیٹ پر زیادہ تر عورتوں اور بچوں کو ہراساں کیا جاتا ہے اور ایسے کیسز تیزی سے بڑھ رہے ہیں۔
ڈجیٹل رائٹس فاؤنڈیشن کی 2017 کی رپورٹ کے مطابق انھوں نے اُس سال انٹرنیٹ پر ہراساں کیے جانے کی 1551 شکایات سنیں اور اس تعداد میں تیزی سے اضافہ ہو رہا ہے۔ رپورٹ کے مطابق انھیں شکایات کالز، ای میلز اور فیس بک پیغامات کی شکل میں ملیں اور شکایات کرنے والوں میں 67 فیصد نے خود کو خواتین جبکہ 45 فیصد نے مرد بتایا۔
رپورٹ کے مطابق وہ پلیٹ فارم جس پر سب سے زیادہ ہراساں کیا گیا وہ فیس بک ہے۔ تقریباً 45 فیصد کالرز نے بتایا کہ انھیں فیس بک پر ہراساں کیا جاتا ہے۔ ہراس کرنے کے طریقوں میں جعلی فیس بک پروفائل، بغیر اجازت کے معلومات افشا کرنا، بلیک میلنگ اور بغیر اجازت کے پیغامات بھیجنا شامل ہے۔
- پاکستان میں چینی انجینیئرز پر حملے اور خدشات: کیا چین پاکستان میں سی پیک کے منصوبے منسوخ کر سکتا ہے؟ - 19/04/2024
- انڈیا میں الیکشن کے پہلے مرحلے کا آغاز جہاں کروڑپتی امیدوار ووٹ کے لیے پیسے کے علاوہ سونا اور چاندی بھی استعمال کرتے رہے - 19/04/2024
- سڈنی شاپنگ مال حملہ: آسٹریلیا میں ’بہادری کا مظاہرہ‘ کرنے والے زخمی پاکستانی سکیورٹی گارڈ کو شہریت دینے پر غور - 19/04/2024
Facebook Comments - Accept Cookies to Enable FB Comments (See Footer).