معروف مصنف احمد اقبال کی گاڑی چوری

ویب ڈیسک: گزشتہ روز راولپنڈی میں، ایئر پورٹ ہاوسنگ سوسائٹی کی حدود سے ممتاز مصنف احمد اقبال کی گاڑی ان کے گھر کے سامنے سے اٹھا لی گئی۔ تفصیل کے مطابق نا معلوم چور صبح ساڑھے نو دس بجے کے قریب گھر کے باہر کھڑی گاڑی ایم این یو 186، انجن نمبر 128489، چیسس نمبر 440786، چرا لے گئے۔

چوری کا علم ہوتے ہی ایئر پورٹ ہاوسنگ سوسائٹی کو مطلع کیا گیا، اور 15 پر کال کی۔ تھانے میں کار چوری کی رپورٹ درج کروائی جا چکی ہے، لیکن تا حال مسروقہ کار کے بارے میں پتا نہیں چل سکا۔ گلزار قائد چوکی کے تفتیشی افسر اکرام ستی نے ضابطے کی کارروائی کے بعد تفتیش کا آغاز کر دیا ہے۔