خاتون سے موبائل فون چھیننے والے ڈاکو اپنی تصویر خود بھیج کر پھنس گئے


کراچی : پولیس نے جدید ٹیکنالوجی استعمال کرکے خاتون سے موبائل فون چھیننے والے دو ملزمان کو ڈرامائی انداز میں گرفتار کرلیا، اسلحہ برآمد کر کے مقدمہ درج کرلیا گیا۔

تفصیلات کے مطابق ڈاکوؤں کو چھینے گئے موبائل فون سے سیلفیاں بنانا مہنگا پڑگیا، گزشتہ دنوں کراچی کے علاقے ڈیفنس سے نامعلوم مسلح افراد رہزنی کی واردات میں ایک خاتون سے قیمتی موبائل فون اور نقدی چھین کر فرار ہوگئے تھے۔

ملزمان نے چھینے گئے موبائل سے سیلفیاں لیں جو خاتون کے گوگل اکاؤنٹ میں اپ لوڈ ہوگئیں، مذکورہ خاتون نے جب دیکھا کہ ملزمان ان کا گوگل اکاؤنٹ استعمال کررہے ہیں تو انہوں نے وہ تصاویر فرانزک کے لئے درخشاں تھانے کو فراہم کیں۔

جس پر پولیس نے فوری کارروائی کرتے ہوئے تصاویر نادرا کو ارسال کیں جس کے بعد ان کی شناخت عمل میں آئی، خاتون کے گوگل اکاؤنٹ سے ملزمان کی لوکیشن معلوم کرکے انہیں گرفتار کیا گیا۔

ملزمان کے قبضے سے چھینے گئے دیگر موبائل فون اور اسلحہ بھی برآمد ہوا ہے، پولیس کے مطابق ملزمان کراچی کے مختلف علاقوں میں اسٹریٹ کرائم کی دیگر وارداتوں میں بھی ملوث ہیں۔
بشکریہ اے آر وائی نیوز۔

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں