#10YearChallenge: مارک زکربرگ کا جھانسہ یا ماحولیاتی آلودگی کے بارے میں آگاہی پھیلانے کا انمول موقع؟
مجھے دیکھ کر اس نے پھیر لیا چہرہ
تسّلی ہوگئی دل کو چلو پہچانتے تو ہیں
جب سماجی رابطوں کی ویب سائٹ فیس بک نے #10YearChallenge کے ذریعے صارفین کو اپنی پرانی اور نئی تصاویر اپلوڈ کرنے کا کہا تو کئی لوگوں نے اس ٹرینڈ کی پیروی کرتے ہوئے مختلف سوشل میڈیا پلیٹ فارمز پر اپنی دس سال پرانی تصاویر کا مُوازنہ نئی تصویروں کے ساتھ کرنا شروع کر دیا۔
کئی لوگوں کا خیال تھا کہ یہ مارک زکربرگ اور فیس بک کی جانب سے اپنے ’فیشل ریکوگنشن ایلگوردم‘ کو فعال کرنے کی ایک کوشش ہے، جس کے ذریعے وہ انسانی چہرے کو پہچاننے والے اپنے سافٹ ویئر میں بہتری لا سکیں گے۔
لیکن مشہور ماڈلز، فنکاروں اور گلوکاروں سمیت کئی سیاست دانوں نے اپنی نئی اور پرانی تصاویر اس ہیش ٹیگ کے ساتھ شیئر کیں۔ کچھ نے اسے سنجیدگی سے لیا جبکہ چند افراد نے اس ٹرینڈ کو مذاق میں اڑا دیا۔
https://www.instagram.com/p/Bsr__Z2hHJI/
https://www.instagram.com/p/BssvplCgIjR/
https://twitter.com/umarsaif/status/1085583844147949569
فیس بک کے حوالے سے دیگر مضامین
’ہم سے غلطیاں ہوئی ہیں‘، فیس بک کے بانی کا اعتراف
ڈیٹا چوری ہونے والے صارفین کے لیے فیس بک کی تنبیہ
کیا فیس بک کی ریگولیشن ممکن ہے؟
ماحولیات
لیکن سوشل میڈیا پر گفتگو نے ایک سنجیدہ موڑ تب لیا جب مختلف سماجی کارکنوں سمیت کئی فلاحی اداروں کے اکاؤنٹس نے بھی اس ہیش ٹیگ میں اپنا حصہ ڈالتے ہوئے چند پتے کی باتیں کیں۔
https://www.facebook.com/WWFPak/photos/a.10153797281515515/10161487362575515/
ماحولیات کے تحفظ کے لیے کام کرنے والے ’ورلڈ وائلڈ لائف فنڈ‘ کے ماتحت ادارے ڈبلیو ڈبلیو ایف پاکستان کے اکاؤنٹ سے ٹویٹ کی جانے والی اس تصویر کو کئی صارفین نے سراہا۔
https://twitter.com/wwf_uk/status/1085586246796263425
اسی طرح ڈبلیو ڈبلیو ایف کے برطانوی چیپٹر نے بھی ایک ایسی ہی تصویر ٹویٹ کی جس بظاہر میں انسان کی جانب اٹھائے گئے اقدامات سے پیدا ہونے والی ماحولیاتی تباہی کی طرف توجہ دلائی گئی۔
https://twitter.com/Greenpeace/status/1085805183718830080
بین الاقوامی ماحولیاتی ادارے ’گرین پیس‘ نے بھی ایک ایسی ہی تصویر ٹویٹ کی جس میں ایک آرکٹک سرکل پر پڑی برف کا 100 سال پرانا منظر پیش کیا گیا اور ساتھ ہی موازنے کے لیے حال ہی میں کھینچی گئی ایک تصویر بھی لگائی گئی۔
https://www.instagram.com/p/BsuwxyAHWSQ/?utm_source=ig_web_copy_link
صرف ادارے نہیں، بلکہ چند سلیبرٹیز نے بھی اس موضوع پر اپنی رائے کا اظہار کیا۔ مشہور بالی وڈ اداکارہ جوہی چاولہ نے انسٹاگرام پر جب یہ تصاویر شیئر کیں تو ایک صارف نے تبصرہ کیا: ’آپ کی سوچ بہت اچھی ہے میڈم لیکن لوگوں کو یہ سب سمجھ میں نہیں آتا۔‘
https://twitter.com/ruhie/status/1085784557876523009
انڈیا میں بھی اس ٹرینڈ کے ذریعے ماحولیاتی آلودگی پر بحث چھڑی تو ’گرین پیس‘ ہی کی ایک کارکن روحی کمار نے دہلی کے مشہور انڈیا گیٹ کی یہ تصاویر شیئر کیں۔ انھوں نے بی بی سی کو بتایا کہ یہ تصاویر 2009 اور 2015 کی ہیں، تاہم ان کا کہنا تھا کہ BlueSkies#یعنی ’نیلا آسمان‘ محض ایک خواہش ہی نہیں ہے۔ ان کا کہنا تھا کہ ایسے نیلے آسمان کی تصاویر ایک حقیقت بننی چاہییں۔
سائنس
https://twitter.com/exploreplanets/status/1085599096516169729
سائنسدانوں نے بھی موقع غنیمت جان کر اس ہیش ٹیگ کے ذریعے چند معلوماتی ٹویٹس شیئر کیں۔
کھیل
کرکٹ کے عالمی ادارے آئی سی سی کے اکاؤنٹ سے بھی #10YearChallenge ہیش ٹیگ کے حوالے سے کئی موازنے کیے گئے، لیکن پاکستانی شائقین میں سب سے مقبول ’اپنے لڑکوں‘ کی میمز رہیں۔
https://twitter.com/ESPNcricinfo/status/1085461221959028736
https://twitter.com/ICC/status/1085204980758392834
اے ٹی پی کی جانب سے ٹینس سٹار رافیل نڈال کی ہر جیتی ہوئی ٹرافی کو دانتوں سے کاٹ کر چیک کرنے کی عادت کا بھی مذاق اڑایا گیا۔
https://twitter.com/ATP_Tour/status/1085763990209228800
طنز و مزاح
کوئی مزاحیہ ٹرینڈ چلے اور پاکستانی سوشل میڈیا صارفین اسے اپنی تفریح کے لیے نہ استعمال کریں، ایسا تو ہو ہی نہیں سکتا! ملاحظہ کیجیے ایسی ہی چند پوسٹس:
https://twitter.com/NArs80/status/1085491948637618176
https://twitter.com/AliAmmarYasir/status/1085540363648020481
https://twitter.com/memorable_90s/status/1085809771708588033
