آئی سی سی نے دھونی کو بھارتی فوج کے لوگو والے گلوز پہننے سے روک دیا

  •  
  •  
  •  
  •  
  •  
  •  
  •  
  •  
  •  
  •  
  •  
  •  

انٹر نیشنل کرکٹ کونسل (آئی سی سی) نے بھارتی کرکٹ بورڈ کی درخواست مسترد کرتے ہوئے مہندرا سنگھ دھونی کو بھارتی فوج کی سپورٹ میں گلوز پہننے سے روک دیا ہے۔ آئی سی سی ترجمان کا کہنا ہے کہ قوانین کے مطابق کسی بھی کھیلوں کےسامان پر کوئی بھی پیغام یا لوگو نہیں چسپاں کیا جاسکتا۔

مہندرا سنگھ دھونی کے انڈین فوجی یونٹ کے نشان والے گلوز پر آئی سی سی کے اعتراض کے بعد انڈین وزیر کھیل نے دھونی کی مکمل حمایت کا اعلان کیا ہے۔ بھارتی سپریم کورٹ کے حکم پر بنائی گئی کمیٹی آف ایڈمنسٹریٹر یا سی او اے کی رکن ڈیانا اڈولجی کا کہنا ہے کہ اس معاملے میں یہ کمیٹی کرکٹ ٹیم کے ساتھ ہے اور ہر قیمت پر دھونی کا ساتھ دیں گے۔

صحافیوں نے جب اڈولجی سے پوچھا کہ کیا اس بارے میں دھونی سے کوئی بات ہوئی ہے تو ان کا کہنا تھا کہ دھونی کو اس معاملے میں لانے کی ضرورت نہیں ہے۔ دوسری جانب پاکستانی کرکٹ انتظامیہ کا کہنا ہے کہ بھارت کے خلاف میچ میں پاکستانی کھلاڑیوں کی جانب سے فوجی ٹوپیاں پہننے کی کوئی تجویز نہیں ہے اس حوالے سے بھارتی میڈیا منفی پروپیگنڈا کررہا ہے۔

پاکستانی ٹیم کے میڈیا منیجر رضا راشد کا کہنا ہے کہ کھلاڑی اس وقت ورلڈ کپ پر فوکس ہیں اور کسی دوسری جانب نہیں سوچ رہے،کھلاڑیوں سے ٹیم انتظامیہ کی بات ہوئی ہے کپتان سرفرازاحمد اور کھلاڑی کوئی ایسا تنازع کھڑا نہیں کرنا چاہتے جس سے لڑکوں کا فوکس میچ سے ہٹے۔ رضا راشد نے کہا کہ بھارتی میڈیا سولہ جون کے میچ سے قبل ایسی خبریں دے رہا ہے جس سے پاکستانی کھلاڑیوں کو منفی خبروں میں شامل کیا جارہا ہے۔

رضا راشد نے کہا کہ ہماری فوج ہمارے لئے قابل احترام ہے اور دلوں میں ہے لیکن اس کا مطلب یہ نہیں کہ ہم بھارتی کھلاڑیوں والی کوئی ایسی حرکت کریں جس سے منفی تاثر ابھرے۔

بھارتی میڈیا کا کہنا ہے کہ اگر ٹیکنیکل کمیٹی کو اعتراض نہیں ہوگا تو دھونی بقیہ میچوں میں وہی متنازع گلوز استعمال کریں گے۔ آئی سی سی کے چیئرمین ونود رائے کا کہنا ہے کہ ’آئی سی سی کے ضابطے کے مطابق کھلاڑی کسی مذہبی، فوجی یا کمرشل اہمیت کی علامت یا نشان کو نہیں پہن سکتے۔

بھارت کے وزیر کھیل کرن رِجِجو نے کہا کہ یہ معاملہ ملک کے جذبات سے جڑا ہوا ہے اور بی سی سی آئی سے درخواست ہے کہ وہ اس بارے میں آئی سی سی سے بات کرے۔

پاکستان کے سائنس اینڈ ٹیکنالوجی کے وفاقی وزیر فواد چوہدری کا کہنا ہے کہ ’دھونی انگلینڈ میں کرکٹ کھیلنے گئے ہیں مہا بھارت کے لیے نہیں گئے۔  انہوں نے کہا کہ بھارتی میڈیا میں اس بارے میں احمقانہ بحث جاری ہےاور بھارتی میڈیا کا ایک طبقہ جنگ کے بارے میں اتنا پرجوش ہے کہ انھیں شام، افغانستان بھیج دیا جانا چاہیے۔

image_pdfimage_print
Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  
––>