مصر کے ’بینت اہرام‘ سیاحوں کے لیے کھل گئے
مصر میں حکام نے ملک میں سیاحت کے وسیع پیمانے پر فروغ کے لیے دارالحکومت قاہرہ کے نزدیک واقع ’بینت اہرام‘ کو سیاحوں کے لیے کھول دیا ہے۔
دہسر میں واقع ان اہرام کو تقریباً 2600 قبل مسیح میں فرعون کے لیے تعمیر کیا گیا تھا۔
درحقیقت ان اہرام کو 54 ڈگری زاویے کے ساتھ ڈیزائن کیا گیا تھا لیکن یہ ایسی مٹی پر تعمیر کیے جا رہے تھے جس میں ٹھہراؤ اور استحکام کے مسائل کا سامنا تھا۔
لہٰذا اس کا حل ہرم کے زاویے کو 43 ڈگری پر رکھ کر کیا گیا۔
ان اہرام کی زاویائی شکل شمال میں واقع سیدھی شکل والے سرخ اہرام سے مختلف ہے۔
سیاح اب شمال کی جانب سے 79 میٹر لمبی تنگ سرنگ کے ذریعے اہرام کے اندر گہرائی میں موجود دو حجروں تک پہنچ سکتے ہیں۔
آثار قدیمہ کے ماہرین نے دہسر میں ایک سال تک کی جانی والی کھدائی کے دوران دریافت ہونے والے مجسمے، چہرے پر ڈالے جانے والے نقاب اور آلات کو بھی سیاحوں کے لیے نمائش کا حصہ بنایا ہے۔
مصر میں سیاحت ملک کی آمدنی کا ایک اہم ذریعہ ہے.
۔
Facebook Comments - Accept Cookies to Enable FB Comments (See Footer).