حمزہ علی عباسی اور نیمل خاور کی شادی، سوشل میڈیا پر کہرام
’کچھ لوگ تنہائی دور کرنے کے لیے، کچھ محبت کے واسطے اور کئی لوگ بچوں کی نیت سے شادی کرتے ہیں ۔ ۔ ۔ لیکن جب آپ کا مقصد صرف اللہ کی رضا ہو تو میرے جیسا آدمی بھی اپنی پلیٹونِک دوست سے یہ کہہ ڈالتا ہے کہ مجھے نہ تو تم سے محبت ہے اور نہ ہی میں تمہارے ساتھ گرل فرینڈ، بوائے فرینڈ والا تعلق چاہتا ہوں۔‘
ان الفاظ کے ساتھ جب مشہور پاکستانی اداکار حمزہ علی عباسی نے اپنے نکاح کا اعلان کیا تو سوشل میڈیا پر کہرام برپا ہو گیا۔
حمزہ علی عباسی کو کون نہیں جانتا؟ تھیئٹر سے اپنے کریئر کا آغاز کرنے کے بعد انھوں نے مشہور ٹی وی ڈراموں ’من مائل‘ اور ’پیارے افضل‘ میں کام کیا اور ہدایتکار بلال لاشاری کی فلم ’وار‘ میں بھی نظر آئے۔
حمزہ عباسی وزیراعظم عمران خان کی پاکستان تحریک انصاف کے حامی ہیں اور سوشل میڈیا پر بھی اپنے باتوں کے انداز کے لیے جانے جاتے ہیں۔
جب حمزہ نے سوشل میڈیا پر اپنی شادی کا اعلان کیا تو کہا کہ وہ ایک سادہ سی تقریب میں رشتہ ازدواج میں بندھنے جا رہے ہیں۔
کچھ لوگوں نے اس طویل پیغام پر حمزہ علی عباسی کو تنقید کا نشانہ بنایا اور ایک ٹوئٹر صارف کا کہنا تھا کہ حمزہ انھیں محض پیغام کا خلاصہ بتا دیں۔
Summary bata do 😝
— Aay Eye (@Aakefah) August 23, 2019
پاکستانی گلوکار عمیر جسوال، میوزک ڈائریکٹر یاسر جسوال، اداکار گوہر رشید، ہدایتکار بلال لاشاری سمیت حمزہ علی عباسی کے دوستوں نے غیر جنسی یا ’پلیٹونِک بیچلر پارٹی‘ برگر اور چپس کھا کر منائی۔
نکاح کے موقع پر لوگوں نے نوبیاہتا جوڑے کی خوب تعریفیں کیں۔ کسی کو نیمل کا لباس پسند آیا تو کسی کو حمزہ کی شیروانی، لیکن دونوں ساتھ ساتھ سبھی کو بھائے۔
حمزہ علی عباسی اور نیمل خاور کے نکاح کی تقریب میں پاکتسان تحریک انصاف کے سینیٹر فیصل جاوید، وفاقی وزیر مراد سعید، گلوکار عاطف اسلم کے علاوہ کئی سلیبریٹیز نے بھی شرکت کی۔
نکاح کے موقع پر اداکار گوہر رشید نکاح کے گواہ ٹھہرے۔ ٹوئٹر پر اپنی خوشی کا اظہار کرتے ہوئے گوہر رشید نے لکھا کہ انھوں نے کبھی ایسا نہیں سوچا تھا۔
Witnessing something that I never thought I would one day 🎉🤗 pic.twitter.com/kEDk2kovHy
— Mirza Gohar (@GoharRsd) August 25, 2019
انسٹاگرام پر حمزہ علی عباسی کی دوست عمارہ حمکت نے نکاح کی تقریب میں شامل دولہے کے عزیر واقارب کی تصویر شیئر کی۔
حمزہ نے لہنگا سنبھالنے میں نیمل کی مدد کرنا چاہی مگر وہ کامیاب نہ ہو سکے اور مزاحیہ انداز میں کہتے سنائی دیے کہ ان کی بے عزتی ہو گئی ہے۔ سوشل میڈیا پر صارفین کو حمزہ کا یہ انداز خوب پسند آیا۔
https://twitter.com/abeerayy_19/status/1165596264098148353
کئی صارفین دو سلیبریٹیز کی شادی کی سادہ تقریب سے متاثر بھی ہوئے۔ انسٹاگرام پر صفا کہتی ہیں کہ نیمل نے اپنی والدہ کا لباس پہنا اور ’سٹیج پر سجاوٹ سے لے کر دلہا دلہن کے تقریب میں داخل ہونے کے انداز میں بہت زیادہ سادگی دکھائی دی۔ یہ ان لوگوں کے لیے اچھا ہے جن کے والدین شادیوں پر ایسے خرچے نہیں اٹھا سکتے۔‘
ماریہ نامی ٹوئٹر صارف کا کہنا تھا کہ ’میرے لیے حمزہ کی شادی مثالی ہے۔ بالکل ویسے جیسے میں چاہتی ہوں، سادہ۔ حقیقی۔ قریبی دوستوں (کی شمولیت کے ساتھ)۔ پرسکون مقام۔ کسی چیز پر شاہانہ خرچہ نہیں کیا گیا۔ شادی سے پہلے کوئی تقریب نہیں کی گئی۔‘
Hamza's wedding is exactly kind of my ideal wedding. Simple. Real. Closed friends. Serene place. No extravagant stuff. No pre wedding functions! May Allah bless them with all the happiness this world has! Ameen. #HamzaWedsNaimal pic.twitter.com/gHepTseoCO
— 🌻 (@xyzmariaa) August 25, 2019
اس موقعے پر صارفین نے حال ہی میں یاسر حسین کی طرف سے اقرا عزیر کو شادی کی پیشکش کے واقعے کو یاد کرتے ہوئے حمزہ علی عباسی کا یاسر حسین سے موازنہ کیا۔ ٹوئٹر پر فاطمہ اسد نے لکھا کہ ایک مرد اور ’جنٹل مین‘ کے درمیان فرق بالکل واضع ہے۔
Difference between a man and a 'gentleman' is so clear. #HamzaAliAbbasi #HamzaWedsNaimal pic.twitter.com/ROxtgpJW8W
— فاطمہ (@iFatimaAlAsadi) August 25, 2019
ٹوئٹر پر صحافی آفتاب اقبال نے لکھا کہ ’بڑی شادی کی تقریب ہوئی نہ کوئی دکھاوا۔ صفر فیصد عریانی، 100 فیصد کلاس‘ جس پر صارفین نے ان سے سوال کیا کہ پہلے وہ کس قسم کی شادیوں میں شرکت کرتے آئے ہیں۔
https://twitter.com/AftabIqbal_tv/status/1165627344897359872
اداکارہ عشنہ شاہ نے صارفین کی توجہ اہم مسائل کی طرف مبذول کرواتے ہوئے کہا کہ ’مجھے سمجھ نہیں آ رہی کہ ہر کوئی حمزہ علی عباسی سے نفرت کرنے پر کیوں تُلا ہوا ہے۔ اگر آپ کو ان کی باتیں ناپسند ہیں یا جس انداز میں انھوں نے (شادی کا) اعلان کیا تو آپ اسے نظر انداز کریں۔ کیا آپ لوگوں کو نہیں لگتا کہ ہمیں سوشل میڈیا پر ایمیزون جنگلات میں آگ اور مسئلہ کشمیر پر بات کرنی چاہیے؟‘
I don’t understand why everyone is hell bent on hating @iamhamzaabbasi – If u don’t like what he has to say or the way he made his announcement, ignore it. Aren’t the Amazon fires or the Kashmir issue things we should be using social media space on?
— Ushna Shah (@ushnashah) August 24, 2019
Facebook Comments - Accept Cookies to Enable FB Comments (See Footer).