گلوکارہ رابی پیرزادہ نے وزیر اعظم اور ڈی جی آئی ایس پی آر کی پکار پر لبیک کہنے کا اعلان کر دیا


گلوکارہ رابی پیرزادہ نے جمعہ کو کشمیریوں سے اظہار یک جہتی کے لئے لبرٹی چوک پہنچنے اور 6 ستمبر کو پاک فوج کے کسی شہید کے گھر جانے کا اعلان کر دیا۔

اپنے ویڈیو پیغام میں رابی پیرزادہ کا کہنا تھا عمران خان نے پوری قوم کو یہ کہا ہے کہ ہم سب نے مل کر کشمیر کے لئے آواز اٹھانی ہے۔ میں اپنے وزیر اعظم کے ساتھ کھڑی ہوں، اس جمعے کو 12 بجے لبرٹی چوک میں کشمیریوں سے اظہار یکجہتی کیلئے موجود ہوں گی، ہم سب عمران خان کے ساتھ ہیں۔

یاد رہے کہ وزیر اعظم عمران خان نے پیر کو قوم سے اپنے خطاب میں کہا تھا کہ تمام پاکستانی ہر جمعے کو دوپہر 12 سے ساڑھے 12 بجے تک کشمیریوں کیلئے کھڑے ہوں اور ان کیے لئے آواز اٹھائیں۔

رابی پیر زادہ نے ڈی جی آئی ایس پی آر میجر جنرل آصف غفور کی اپیل پر بھی لبیک کہا اور اس عزم کا اظہار کیا کہ وہ 6 ستمبر کو کسی شہید کے گھر ضرور جائیں گی۔

خیال رہے کہ ڈی جی آئی ایس پی آر میجر جنرل آصف غفور نے پاکستانیوں سے اپیل کی تھی کہ وہ 6 ستمبر کو کسی ایک شہید کے گھر ضرور جائیں اور ان کا شکریہ ادا کریں ۔


Facebook Comments - Accept Cookies to Enable FB Comments (See Footer).