خیبرپختونخوا کے سیاحتی مراکز

دنیا میں بہت سے ایسے ممالک ہیں جن کی معیشت کا انحصار سیاحت پرہے جن میں سویٹزرلینڈ، مالدیپ، تھائی لینڈ، جارجیا، مالٹا، یورپ، آفریقہ اور ایشیاء کے بہت سے ایسے ممالک ہیں جن کی معیشت میں سیاحت کا اہم کردارہے۔ لیکن اب یہاں سوال یہ پیدا ہوتا ہے کہ صرف ان ممالک میں ہی کیوں دن بدن سیاحت پروان چڑھتی ہے؟ کیا ان ممالک میں قدرتی خوبصورتی حد سے زیادہ ہے یا پھر ان ملکوں کی حکومتوں اور رعایا کا کوئی خاص منصوبہ بندی جو سیاحت جیسے اہم شعبے کو طول دیتی ہے جس سے نہ صرف دنیا کا دھیان ان کی طرف بڑھتا ہے بلکہ دنیا میں ان ممالک کا مثبت تشخص اجاگرکرنے میں بھی مددگار ثابت ہوتاہے۔

ایک مشہور کہاوت ہے کہ۔ جنگل میں مور ناچا کس نے دیکھا، ہاں جی یہاں اگر ہم یہ بات کریں کہ دنیا بہت حوبصورت ہے تو غلط نہیں ہوگا لیکن اس پر یقین ہم تب ہی کریں گے جب ہم اس خوبصورتی کو اپنی انکھوں سے دیکھیں۔ اب اس کے لئے بہت سارے ممالک ہیں جنہوں نے اس بات کو ذہن میں رکھتے ہوئے نہ صرف اپنے ہی شہریوں بلکہ دنیا کہ ان تمام لوگوں کے لئے جن کو اللہ تعالیٰ کی بنائی ہوئی اس دنیا کی خوبصورتی کو دیکھنے کا شوق ہو، ۔ کے لئے بے تحاشا آسانیاں پیدا کی ہیں اور مزید پیدا کر رہے ہیں، جو اس بات کا عین ثبوت ہے کہ یہاں سیاحت کے فروغ میں تیزی سے اضافہ ہو رہا ہے۔

ہم اگر قدرتی خسن کی بات کریں تو پاکستان جو کہ بے شمار ایسے جنت نظیر وادیوں اور مقامات سے بھرا پڑا ہے کہ جس کو ذہن میں رکھتے ہوئے دنیا کی خوبصورت ترین ممالک میں پاکستان کا شمار کریں تو غلط نہیں ہوگا۔ پاکستان قدرتی وسائل کے ساتھ ساتھ قدرتی حسن سے بھی مالا مال ہے۔ ماضی کی حکومتوں کے مقابلے میں موجودہ حکومت ملک میں سیاحت کے فروغ کے لئے کوشش تو کر رہی ہے لیکن بدقسمتی سے سنجیدہ اقدام لینے میں یہ بھی ناکام ہی نظر ٓارہی ہے جس کی بہت ساری وجوہات ہیں جن میں کمزور اور قرضوں تلے دھبے معیشت اور ناقص منصوبہ بندی سر فہرست ہے۔

کہیں سے اگر تھوڑا بہت فنڈ حکومت کے ساتھ اضافی ہوجائے جو کہ وہ اپنی خواہش اور لوگوں سے سیاحت اور سیاحتی مقامات کی سیر کے لئے دنیا بھر کی سیاحوں کا پاکستان آنے جیسے وعدوں کی تعمیل کے لئے سیاحت کی مد میں خرچ کرنا چاہے تو ایک خاص ذہنیت کا ٹولہ اور ان کی کی گئی ناکام منصوبہ بندی ملک کی ان وسائل کو تباہ و برباد کر دیتا ہے۔

ملک میں صرف اگر خیبرپختونخوا اور خاص کرضم اضلاع کو دیکھا جائے تو سیاحت کے بہت سے مواقع ہیں اور حکومت اس کے فروغ کے لئے نہ صرف رقم مختص کرنے کا دعویٰ کررہی ہے بلکہ حکومتی دعویدار ہر تقریب میں سیاحت کے فروغ کا ذکرضرور کرتے ہیں۔

خیبرپختونخواحکومت نے مالی سال 2019۔ 20 کے دوران سابقہ فاٹا کے مربوط اضلاع میں سیاحت، کھیلوں، ثقافت اور نوجوانوں کی ترقی کے فروغ کے لئے 5120 ملین مالیت کے نو میگا پراجیکٹس کا منصوبہ بنایا ہے۔ خیبر پختونخوا حکومت کے عہدیداروں کا کہنا ہے کہ حکومت نے تیز رفتار عمل آوری پروگرام (اے آئی پی) کے تحت ساتوں قبائلی اضلاع میں خوبصورت پہاڑیوں، وادیوں، مناظر، کھیلوں، ثقافتی اور تعمیراتی اہمیت سے بھرپور فائدہ اٹھانے کے لئے نئی سیاحت کی منزلیں قائم کرنے اور تیار کرنے کا فیصلہ کیا ہے۔

قبائلی اضلاع میں سیاحت کو فروغ دینے کے لئے حکومت نے شمالی وزیرستان، جنوبی وزیرستان، باجوڑ، مہمند، خیبر، اورکزئی اور کرم قبائلی اضلاع کے تمام امکانی مقامات پر سیاحوں کے مقامات کے قیام پر لگ بھگ 1000 ملین روپے خرچ کرنے کا فیصلہ کیا ہے جس سے روزگار کے بے پناہ مواقع پیدا کرنے میں مدد ملے گی اورسابقہ فاٹا میں اب تک نظرانداز کیے جانے والے غربت کو دور کیاجاسکے گا۔

سیاحوں کے انفارمیشن سینٹرز، پکنک سپاٹ اور ہوٹل کی صنعت کو فروغ دینے کے علاوہ غیر ملکی اور گھریلو سیاحوں کو پاکستان کے خوبصورت مقامات کی تلاش کے لئے راغب کیا جائے گا۔ شمالی وزیرستان میں وادی شوال میں چشم کشا اور برف سے ڈھکے قدرتی خوبصورتی والے مقامات ہیں جو مستقبل میں موسم گرما میں سیاحوں کی سیاحت کے ساحل کی ترقی کے وسیع امکانات رکھتے ہیں۔

حکومت نے رواں مالی سال میں ضم شدہ اضلاع میں تہواروں کے انعقاد کے علاوہ سیاحت کی سرگرمیوں کو فروغ دینے کے لئے 400 ملین روپے رکھے ہیں۔ اسی طرح سیاحتی تہواروں اور سرگرمیوں کے فروغ اور انعقاد پر 400 ملین روپے خرچ ہوں گے جبکہ سیاحوں کی خدمات کی ترقی کے لئے 120 ملین روپے خرچ ہوں گے۔

ضم شدہ اضلاع میں فن اور ثقافت کو فروغ دینے کے لئے حکومت نے فیصلہ کیا ہے کہ وہ ساتوں قبائلی اضلاع میں آرٹ اور ثقافت کے مراکز قائم کرے گی اسی طرح ثقافتی سرگرمیوں کے فروغ پر 250 ملین اور آثار قدیمہ اور ثقافتی ورثہ کے تحفظ اور انتظام پر 100 ملین روپے خرچ ہوں گے۔

منیجنگ ڈائریکٹرٹورازم کارپوریشن جنید خان نے رابطے پربتایاکہ خیبر پختونخوا میں مدکلشت چترال، منکیال سوات، غنول مانسہرہ او رٹھنڈیانی ایبٹ ا ٓباداضلاع میں جدید ترین سہولیات والے چار بڑے سیاحتی زون قائم کیے جائیں گے جس کے لئے محکمہ سیاحت اور سیاحت اتھارٹی نے صوبے کی آمدنی بڑھانے کے علاوہ سیاحوں کے دباؤ کو کم کرنے کے لئے کام شروع کیا ہے۔

کالام، سوات میں مالم جبہ، مانسہرہ میں کاغان اور ناران، ایبٹ آباد اضلاع میں نتھیاگلی، ایوبیہ اور ٹھنڈیانی کی موجودہ حیرت انگیز منزلیں ہیں جو کہ موجودہ وقت سیاح کا خاص مرکزہے کو مزیدحکومتی توجہ درکار ہے کہ سیاح کے لئے اسانیاں پیدا کریں تاکہ غیرملکی سرمایہ کاریہاں آکر اپناپیسہ لگائیں ان منصوبوں کے حصول کے لئے، سیاحت کے وسیع تجربہ رکھنے والی بین الاقوامی تنظیموں کے تعاون اور تعاون کی کوشش کی جائے گی۔

جنیدخان نے بتایاکہ حکومت صوبے میں 20 کے قریب سیاحتی مقامات بنائے گی اورسیاحت کے فروغ کے لئے ملاکنڈاور ہزارہ ڈیویژن میں سالانہ ترقیاتی پروگرام کے تحت چھ ارب روپے کی سڑکیں تعمیرکی جائیں گی جبکہ ورلڈبینک پراجیکٹ کی مد میں 10 ارب روپے کی سڑکیں بنائی جائیں گی ان کاکہناتھاکہ جنوبی اضلاع کے عوام کے لئے شیخ بدین جس کی سڑک کے لئے پچاس کروڑمختص ہیں اس پر جلدکام شروع کیاجائے گا۔

ٹورازم کارپوریشن کے مطابق ان اضلاع میں اسٹیبلشمنٹ ٹورسٹ زونز کے لئے علاقوں اور مقامات کی نشاندہی کے لئے سروے جاری ہے اور سروے رپورٹوں کی تکمیل کے بعد اس سلسلے میں اعلان کیا جا جائے گا۔ عہدیدار نے بتایا کہ نتھیاگیلی میں نوآبادیاتی دور کے پانچ ریسٹ ہاؤسز جن میں گورنر ہاؤس، چیف منسٹر ہاؤس، کرناک ہاؤس، اسپیکر ہاؤس اور آئی جی پی خیبر پختونخواہ ہاؤس پہلے ہی سیاحوں اور عام لوگوں کے لئے کھول چکے ہیں جہاں لوگوں کا ردعمل زبردست تھا۔

عہدیدار نے بتایا کہ پی ٹی آئی حکومت نے سری لنکا، چین، جنوبی کوریا اور دوسرے ممالک سے آنے والے غیر ملکی سیاحوں کی ایک بڑی تعداد کو راغب کیا ہے جنہوں نے پشاور اور سوات میوزیم کا دورہ کیا جہاں بدھ مذہب، قدیم مضامین، مجسمہ سازی، سکوں، نسخوں، کتب کا بھرپور مجموعہ تھا۔ ، گندھارا تہذیب، گریکو بودھ، فارسی دستکاری، مغل اور بعد کے ادوار کی پینٹنگز محفوظ تھیں۔ حکومت کے یہ سیاح دوست اقدامات نہ صرف پاکستان کو ایک بہترین سیاحتی مقام بنائیں گے بلکہ قومی کٹی کو خاطر خواہ آمدنی بھی حاصل کریں گے۔