فیاض چوہان نے معذور بچوں کو اللّٰہ کی طرف سے والدین کے لئے سزا قرار دے دیا
پنجاب کے وزیرِ آبادکاری فیاض الحسن چوہان نے کہا ہے کہ جو لوگ اپنے فائدے کے نظریے پر چلتے ہیں تو اللّٰہ کی جانب سے سزا کے طور پر ان کے ہاں معذور بچے پیدا ہوتے ہیں۔ ان خیالات کا اظہار انہوں نے صوبائی وزیر صحت ڈاکٹر یاسمین راشد کے ہمراہ پریس کانفرنس کرتے ہوئے کہی تھی۔
فیاض الحسن چوہان کا کہنا تھا کہ جو لوگ اپنے فائدے کے نظریے پر قائم رہتے ہیں تو ان کے سامنے ایسے ایسے واقعات آتے ہیں جنہیں دیکھ کر لوگ اپنے کانوں کو ہاتھ لگا لیتے ہیں۔
انہوں نے مزید کہا کہ میں تاجروں سے کہتا ہوں کہ اگر آپ کورونا وائرس سے متعلقہ آلات، ادوایات یا دیگر اشیا کی ذخیرہ اندوزی اور منافع خوری کریں گے تو یہاں دنیا میں تو جواب دہ ہوں گے ہی لیکن جب اللّٰہ کی پکڑ میں آئیں گے تو وہ آپ کی سوچ سے باہر ہے۔
صوبائی وزیر کے اس بیان پر سماجی رابطے کی ویب سائٹس پر انہیں شدید تنقید کا نشانہ بنایا جارہا ہے۔ ایک شخص نے اپنے بیٹے کی تصویر شیئر کرتے ہوئے کہا کہ یہ میرا لے پالک بیٹا ہے، یہ کسی کی بات نہیں سن سکتا۔ ان کا مزید کہنا تھا کہ میں آپ کی اس بے حسی پر دعا کر سکتا ہوں کہ آپ جلد ٹھیک ہوجائیں۔ میں دعا کرتا ہوں کہ آپ ان تمام خاندانوں کی عزت کریں جو ان جیسے فرشتہ صفت انسانوں کی دیکھ بھال کرتے ہیں۔
صحافی عباس ناصر نے لکھا کہ فیاض الحسن چوہان کبھی ٹھیک نہیں ہوسکتے۔
واضح رہے کہ ماضی میں بھی فیاض الحسن چوہان نے اپنے ایک بیان میں ہندو برادری کی دل آزاری کی تھی جس پر وزیراعلیٰ پنجاب عثمان بزدار نے ان سے وزارت اطلاعات واپس لے لی تھی۔
To Fayyaz Chauhan:
On behalf of our adopted child who has cerebral palsy & millions who can’t respond to you.
I pray for cure of ur insensitivity. I pray u respect families who take care of these angels.
Watch this video, maybe it will melt ur heart, if you have any. pic.twitter.com/ofLqnXKmsh
— Salman Sufi (Wear a Mask to Keep All Safe) (@SalmanSufi7) March 17, 2020
Facebook Comments - Accept Cookies to Enable FB Comments (See Footer).