ٹوئٹر کو تیکنیکی خرابی کے باعث بندش کا سامنا
عالمی سوشل میڈیا ویب سائٹ ٹوئٹر کو جمعرات کو تکنیکی خرابی کے باعث بندش کا سامنا کرنا پڑا ہے۔
دنیا کے مختلف ملکوں میں ٹوئٹر صارفین جمعرات کو جب اپنے اکاؤنٹ پر لاگ ان ہوئے تو اُنہیں ‘ایرر’ کا پیغام موصول ہوا۔
کمپنی کے مطابق اس کے کئی سرورز بند ہو گئے تھے جس کی وجہ کمپنی کی جانب سے ایک سسٹم کو ’اپڈیٹ‘ کرنا تھا۔
Twitter has been down for many of you and we’re working to get it back up and running for everyone.
We had some trouble with our internal systems and don’t have any evidence of a security breach or hack.
— Twitter Support (@TwitterSupport) October 15, 2020
کمپنی نے اپنے ٹوئٹر اکاؤنٹ پر ایک پیغام میں واضح کیا ہے کہ ٹوئٹر کی بندش ہیکنگ یا کسی سیکیورٹی خلاف ورزی کا نتیجہ نہیں ہے بلکہ یہ کمپنی کے سسٹم میں خرابی کے باعث ہے۔
Most of you should be back to Tweeting. The outage was caused by a system change initiated earlier then planned, affecting most of our servers. We’re working hard to bring Twitter back to normal and expect things to be fully resolved in 1-2 hours. We appreciate your patience.
— Twitter Support (@TwitterSupport) October 16, 2020
یاد رہے کہ رواں برس جولائی میں بھی ٹوئٹر کو اس وقت ایک بڑے فیلیئر کا سامنا کرنا پڑا تھا جب اس کے پلیٹ فارم پر موجود کئی نامور شخصیات کے اکاؤنٹس ہیک کر لیے گئے تھے۔
امریکہ کے نائب صدارتی امیدوار جو بائیڈن، سابق امریکی صدر براک اوباما اور ٹیسلا کے سی ای او ایلن مسک سمیت کئی نامور شخصیات کے آفیشل اکاؤنٹ سے ہیکرز نے ایک ٹوئٹ کے ذریعے صارفین کو کہا تھا کہ جو بھی اُنہیں بٹ کوائن ایڈریس پر رقم بھیجے گا تو وہ اسے دگنی رقم واپس کریں گے۔
جمعرات کو جب ٹوئٹر کو بندش کا سامنا کرنا پڑا تو کمپنی نے چند گھنٹے بعد صارفین کو پیغام دیا کہ تیکنیکی خرابی جلد ختم کر لی جائے گی۔
آخری ٹوئٹ آنے تک ٹوئٹر اکاؤنٹس کو درپیش خرابی ٹھیک کر لی گئی تھی۔
And we’re all clear –– Twitter should be working as expected for everyone. Thanks for sticking with us.
— Twitter Support (@TwitterSupport) October 16, 2020
Facebook Comments - Accept Cookies to Enable FB Comments (See Footer).