پی سی بی ایوارڈز بابر اعظم، محمد رضوان، فواد عالم اور عالیہ ریاض کے نام
پاکستان کرکٹ بورڈ (پی سی بی) نے 2020 کے دوران بہترین کارکردگی دکھانے والے کھلاڑیوں کے لیے ایوارڈز کا اعلان کر دیا ہے۔
ایوارڈز جیتنے والے کھلاڑیوں کا اعلان پی سی بی کے ڈیجیٹل میڈیا پلیٹ فارم سے جمعہ کو کیا گیا۔
پی سی بی کے مطابق ایوارڈز کا فیصلہ آزاد جیوری نے کیا۔ ایوارڈ کی غرض سے کھلاڑیوں کو 12 مختلف کیٹیگریز میں نامزد کیا گیا تھا, جن میں وائٹ بال کرکٹر آف دی ایئر، ٹیسٹ کرکٹر آف دی ایئر، سال کا سب سے قابل قدر کرکٹر، ویمن ایمرجنگ کرکٹر آف دی ایئر، مین ایمرجنگ کرکٹر آف دی ایئر، مین ایمرجنگ انٹرنیشنل کرکٹر آف دی ایئر، ویمن کرکٹر آف دی ایئر اور ڈومیسٹک کرکٹر آف دی ایئر کی کیٹیگریز شامل تھیں۔
جیوری کے فیصلے کے مطابق وائٹ بال کرکٹر آف دی ایئر کا ایوارڈ بابر اعظم حاصل کرنے میں کامیاب رہے۔ کیٹیگری میں ان کا مقابلہ حارث رؤف، محمد حفیظ اور شاہین شاہ آفریدی سے تھا۔
The brilliant Babar Azam is the Most Valuable Cricketer of the Year 🙌 🙌 🙌#PCBAwards #OneNationOnePassion pic.twitter.com/ncOwEuNXPt
— Pakistan Cricket (@TheRealPCB) January 1, 2021
سال کا سب سے قابل قدر کرکٹرکا ایوارڈ بھی بابر اعظم جیتنے میں کامیاب رہے۔ مذکورہ کیٹیگری میں محمد حفیظ، محمد رضوان اور شاہین شاہ آفریدی ان کے مقابل تھے۔
ٹیسٹ کرکٹر آف دی ائیر کا ایوارڈ محمد رضوان کو دیا گیا۔ اس کیٹیگری میں ان کا مقابلہ بابر اعظم، شاہین شاہ آفریدی اور شان مسعود سے تھا۔
🏏 320 runs
🅰️43 average
🧤12 dismissals behind the stumpsMohammad Rizwan is the Test Cricketer of the Year 👏👏👏#PCBAwards #OneNationOnePassion pic.twitter.com/GlKwfTvv7p
— Pakistan Cricket (@TheRealPCB) January 1, 2021
فواد عالم کو انفرادی کارگردگی انجام دینے والے سال کے بہترین کھلاڑی کا ایوارڈ دیا گیا ہے۔
فواد عالم نے یہ ایوارڈ نیوزی لینڈ کے خلاف پہلے ٹیسٹ میں 102 رنز کی اننگز کھیلنے پر حاصل کیا۔
The winner for the Individual Performance of the Year is Fawad Alam for his 1⃣0⃣2⃣ in the first #NZvPAK Test! 👏👏👏#PCBAwards #OneNationOnePassion pic.twitter.com/1sP8k36TKE
— Pakistan Cricket (@TheRealPCB) January 1, 2021
اس کیٹیگری میں فواد کے علاوہ شان مسعود، نسیم شاہ اور حفیظ بھی شامل تھے۔
شان مسعود کو انگلینڈ کے خلاف سینچری بنانے، نسیم شاہ کو بنگلہ دیش کے خلاف شاندار بولنگ کرنے اور حفیظ کی انگلینڈ کے خلاف ٹی ٹوئنٹی میں 86 رنز کی اننگز پر سال کی بہترین انفرادی کارکردگی کے لیے نامزدگی ہوئی تھی۔
Naseem Shah is the Men’s Emerging International Cricketer of the Year!#PCBAwards #OneNationOnePassion pic.twitter.com/Y4HPSIuCc2
— Pakistan Cricket (@TheRealPCB) January 1, 2021
ایمرجنگ انٹرنیشنل کرکٹر کی کیٹیگری میں فاسٹ بالر نسیم شاہ کو ایوارڈ دیا گیا جب کہ ایمرجنگ ڈومیسٹک کرکٹر کا ایوارڈ وکٹ کیپر روحیل نذیر نے اپنے نام کیا۔
Khyber Pakhtunkhwa’s Kamran Ghulam is the Domestic Cricketer of the Year 👏👏#PCBAwards #OneNationOnePassion pic.twitter.com/ZlZTHXAXZv
— Pakistan Cricket (@TheRealPCB) January 1, 2021
ڈومیسٹک کے بہترین کرکٹر کا ایوارڈ کامران غلام حاصل کرنے میں کامیاب ہوئے جب کہ آصف یعقوب ٹی ٹوئنٹی کے بہترین امپائر قرار پائے۔
بہترین ایمرجنگ ڈومیسٹک وومن کرکٹر کا ایوارڈ فاطمہ ثنا نے اپنے نام کیا جب کہ عالیہ ریاض بیسٹ وومن کرکٹر آف دی ایئر قرار پائیں۔
Aliya Riaz is the Women’s Cricketer of the Year 👏 👏#PCBAwards #OneNationOnePassion pic.twitter.com/BzhlXpQadd
— Pakistan Cricket (@TheRealPCB) January 1, 2021
نامزدگیوں پر نظر ڈالیں تو بابر اعظم، محمد حفیظ اور شاہین شاہ آفریدی کو تین مختلف کیٹیگریز میں شارٹ لسٹ کا گیا تھا۔
Facebook Comments - Accept Cookies to Enable FB Comments (See Footer).