جواد احمد کا ‘کسانا’ بھارت میں مقبول
اس گانے کی ریلیز پر بھارتی کسانوں نے جواد احمد کا شکریہ بھی ادا کیا ہے۔ بھارت میں حکومت کی پالیسیوں کے خلاف کئی ہفتوں سے جاری مظاہروں کے دوران جواد احمد کا گانا ‘کسانا’ مسلسل بجایا جا رہا ہے۔ تین منٹ کے دورانیے پر مشتمل اس گانے میں جواد احمد نے معاشرے کے لیے کسانوں کی خدمات کو سراہا ہے اور کسانوں کا ساتھ دینے کی بات کی ہے۔
جواد احمد نے ‘کسانا’ دسمبر 2020 میں ریلیز کیا تھا اور اسے یوٹیوب پر اب تک ہزاروں افراد دیکھ چکے ہیں۔ جواد احمد کا کہنا ہے کہ انہوں نے ’کسانا’ بھارتی کسانوں کی تحریک سے متاثر ہو کر تیار کیا تھا۔ وہ اپنے گانے کو بھارتی کسانوں کے نام کرتے ہیں۔
‘Times of India’, arguably the biggest newspaper of India, reported that my song ‘Kisana’, in support of all the peasants of the world, has gone viral in India. https://t.co/hTZ3fPYgoM pic.twitter.com/St2A6RE9hy
— Jawad Ahmad (@jawadahmadone) January 12, 2021
بھارتی میڈیا کو دیے گئے ایک ٹیلی فونک انٹرویو میں جواد احمد کا کہنا تھا کہ دنیا بھر میں کسانوں کے حق کے لیے آواز اٹھانے کی ضرورت ہے۔
Prime Minister, President & General
DC, Judge & Police Officer
All eat what you makeThey’ll all be dead of hunger
If you don’t sow & reap
They are all servants
And you the providerO’ Peasant,
Rise & live!Our tribute to all the Peasants of the world.https://t.co/WWnBWxtSVj pic.twitter.com/QpCJVN6fzU
— Jawad Ahmad (@jawadahmadone) December 26, 2020
‘کسانا’ کے بھارتی سوشل میڈیا پر بھی چرچے ہیں اور صارفین گانے کی تعریف کے ساتھ ساتھ اسے شیئر بھی کر رہے ہیں۔
ٹوئٹر پر متعدد بھارتی صارفین نے کسانوں کے لیے خصوصی گانا بنانے پر جواد احمد کا شکریہ ادا کیا۔
یاد رہے کہ بھارت میں ستمبر 2020 سے نئے زرعی قوانین کے خلاف کسان سراپا احتجاج ہیں اور اب تک مظاہروں کے دوران مختلف واقعات میں 70 کسان ہلاک ہو چکے ہیں۔
بالی وڈ کے اسٹارز دلجیت دوسانج، پریانکا چوپڑا اور سوارا بھاسکر بھی بھارتی کسانوں کے مظاہروں میں شرکت کر چکے ہیں لیکن کسی بھارتی گلوکار نے کسانوں کے لیے کوئی گانا تیار نہیں کیا۔
Facebook Comments - Accept Cookies to Enable FB Comments (See Footer).