وزیرِ اعظم عمران خان اور بشریٰ بی بی کرونا وائرس سے متاثر، قرنطینہ میں چلے گئے
پاکستان کے وزیرِ اعظم عمران خان اور ان کی اہلیہ بشریٰ بی بی کا کرونا وائرس کا ٹیسٹ مثبت آیا ہے جس کے بعد انہوں نے خود کو قرنطینہ کر لیا ہے۔ جب کہ وزیرِ اعظم کے معاونین نے ان کے قرنطینہ میں سرکاری امور انجام دینے کا اعلان کیا ہے۔
وزیرِ اعظم کے معاونِ خصوصی برائے صحت ڈاکٹر فیصل سلطان نے کہا ہے کہ عمران خان کا کرونا ٹیسٹ مثبت آیا ہے۔ سوشل میڈیا پر ایک بیان میں ڈاکٹر فیصل سلطان نے مزید کہا کہ وزیرِ اعظم عمران خان نے خود کو گھر میں قرنطینہ کر لیا ہے۔
PM Imran Khan has tested positive for Covid-19 and is self isolating at home
— Faisal Sultan (@fslsltn) March 20, 2021
تحریکِ انصاف کے سینیٹر فیصل جاوید نے سوشل میڈیا پر ایک بیان میں کہا کہ وزیرِ اعظم میں وبا کی معمولی علامات ظاہر ہوئی ہیں۔
انہوں نے شہریوں کو ویکسین لگوانے پر زور دیا ہے۔
Prime Minister Imran Khan tests positive for coronavirus, is experiencing 'mild symptoms'. He will self-quarantine at home however will continue to work from home over video con. Lots of prayers 🙏 for everyone. Stay Safe
— Faisal Javed Khan (@FaisalJavedKhan) March 20, 2021
پاکستان کے وزیرِ اعظم عمران خان کے کرونا وائرس سے متاثر ہونے کے بعد اب ان کی اہلیہ بشریٰ بی بی کے وبا سے متاثر ہونے کی تصدیق کی گئی ہے۔
تحریک انصاف کے رہنما فیصل جاوید خان نے ایک ٹوئٹ میں کہا ہے کہ خاتونِ اول بشریٰ بی بی کا بھی کرونا وائرس کا ٹیسٹ مثبت آیا ہے۔
First Lady Bushra Bibi has also been tested positive for Covid-19. Lots of prayers for all who have been tested positive including PM Imran Khan and his wife Bushra Bibi!!! May ALLAH give them speedy recovery.
Stay Safe!!!
احتیاط بہت ضروری pic.twitter.com/3HzJCDQj60— Faisal Javed Khan (@FaisalJavedKhan) March 20, 2021
اس کے ساتھ ساتھ انہوں نے کہا ہے کہ احتیاط بہت ضروری ہے۔
واضح رہے کہ وزیرِ اعظم عمران خان کو دو روز قبل ہی کرونا وبا سے محفوظ رکھنے کی ویکسین لگائی گئی تھی۔
پاکستان میں چین کی تیار کردہ ویکسین شہریوں کو لگائی جا رہی ہے جس کے دو ڈوز لگائے جانے ہیں۔ عمران خان کو جمعرات کو اس ویکسین کی پہلی ڈوز لگائی گئی تھی۔
Prime Minister @ImranKhanPTI has received first dose of #COVID19 vaccine today. pic.twitter.com/PeQVjHExSI
— Ministry of National Health Services, Pakistan (@nhsrcofficial) March 18, 2021
وزیرِ اعظم عمران خان کے معاونِ خصوصی شہباز گل نے کہا ہے کہ عمران خان کے کرونا ٹیسٹ کے مثبت آنے کو ویکسی نیشن سے نہ جوڑا جائے۔
شہباز گل نے سوشل میڈیا پر ایک بیان میں کہا کہ کسی کی بھی ویکسی نیشن ہونے کے کچھ ہفتے بعد قوتِ مدافعت پیدا ہوتی ہے۔
وزیراعظم صاحب کا کرونا کا ٹیسٹ آج ہی کیا گیا ہے۔
براہ مہربانی اس کو کرونا ویکسین کے ساتھ لنک مت کریں۔ ویکسین لگنے کے کچھ ہفتے کے بعد قوت مدافعت پیدا ہوتی ہے۔ اپنے بزرگوں اور پیاروں کو ویکسین ضرور لگوائیں۔ احتیاط کریں۔ https://t.co/D13YTpBq7h
— Dr. Shahbaz GiLL (@SHABAZGIL) March 20, 2021
انہوں نے شہریوں کو ویکسین لگوانے پر زور دیا ہے۔
عمران خان کے کرونا وائرس سے متاثر ہونے کے بعد ملکی اور بین الاقوامی رہنماؤں کے تہنیتی پیغامات کا سلسلہ شروع ہو گیا۔
بھارت کے وزیرِ اعظم نریندر مودی نے کرونا وائرس سے متاثر ہونے والے پاکستان کے وزیرِ اعظم عمران خان کے لیے نیک خواہشات کا اظہار کیا ہے۔
Best wishes to Prime Minister @ImranKhanPTI for a speedy recovery from COVID-19.
— Narendra Modi (@narendramodi) March 20, 2021
ایک بیان میں نریندر مودی نے عمران خان کے کرونا وائرس سے جلد صحت یابی کی بھی امید ظاہر کی۔
پاکستان میں حزبِ اختلاف کی بڑی جماعت مسلم لیگ (ن) کے سیکریٹری جنرل احسن اقبال نے بھی عمران خان کے لیے نیک خواہشات کا اظہار کیا۔
May Allah Grant recovery to @ImranKhanPTI from Corona Ameen! We should as leaders take precautions & wear mask to be model of safety. Please wear mask, wash hands with soap, & keep safe distances.
— Ahsan Iqbal (@betterpakistan) March 20, 2021
احسن اقبال نے ملک کے رہنماؤں پر احتیاطی تدابیر پر عمل کرنے پر بھی زور دیا۔
حزبِ اختلاف کی جماعت پاکستان پیپلز پارٹی کے سربراہ بلاول بھٹو زرداری نے بھی وزیرِ اعظم کی جلد صحت یابی کی امید ظاہر کی۔
Wishing @ImranKhanPTI a speedy recovery from COVID.
— BilawalBhuttoZardari (@BBhuttoZardari) March 20, 2021
پاکستان میں موجود یورپی یونین کی سفیر سمیت کئی ممالک کے سفارت کاروں نے بھی وزیرِ اعظم کے لیے نیک خواہشات ظاہر کیں۔
Facebook Comments - Accept Cookies to Enable FB Comments (See Footer).