سونی ورلڈ فوٹوگرافی ایوارڈز 2021: پیشہ ور فوٹوگرافرز، طلبا اور نوجوانوں کی سب سے مسحورکن تصاویر


Portrait of a young woman dressed in a Victorian dress and holding traditional Shona cooking utensils

Tamary Kudita

وکٹورین دور کا لباس پہن کر روایتی برتن اٹھائے ہوئے نوجوان افریقی خاتون کی اس تصویر نے 2021 کے سونی ورلڈ فوٹوگرافی ایوارڈز میں نسوانی پورٹریٹ کے زمرے میں پہلا انعام حاصل کر لیا ہے۔

یہ تصویر زمبابوے سے تعلق رکھنے والی فوٹوگرافر تمارے کودیا نے کھینچی تھی اور اسے ایفریکن وکٹورین کا نام دیا گیا تھا۔

تمارے کا کہنا ہے کہ ان کی یہ تصویر تاریخ سے ناتا جوڑ کر آج کے دور میں جینے والوں کو خراجِ تحسین پیش کرتی ہے۔


مقابلے میں پیشہ ور فوٹوگرافرز کے علاوہ طلبا اور نوجوان فوٹوگرافرز کی جانب سے بھیجی گئی تصاویر کو بھی مختلف زمروں میں انعام دیے گئے۔

سٹیلن بوش اکیڈمی سے تعلق رکھنے والے کوئنریڈ ہائنز نے اپنی تصویر ینگ فارمرز کے لیے طلبا کی تصاویر کے زمرے میں پہلا انعام حاصل کیا۔

ان کی تصاویر کا موضوع جنوبی افریقہ میں نوجوان کسانوں کو زمین کی ملکیت کے معاملے میں درپیش مسائل اور اس معاملے پر ہونے والی بحث تھا۔

Aerial view of two young people lying on the backs of horses

Coenraad Heinz Torlage

بہترین نوجوان فوٹوگرافر کا ایوارڈ انڈیا کے 19 سالہ فوٹوگرافر پبارن باسو کو دیا گیا جن کی تصویر کا عنوان ’نو اسکیپ فرام ریئلیٹی‘ یا حقیقت سے فرار ممکن نہیں تھا۔

Shadows of railings and silhouettes of hands behind curtains

Pubarun Basu

دستاویزی زمرے میں مقابلہ اٹلی کے ویٹو فسکو نے جیتا جنھوں نے کینیا کے پائیریتھرم پھولوں کی تصاویر کھینچیں۔ یہ پھول قدرتی کیڑے مار دوا کے طور پر بھی استعمال کیے جاتے ہیں۔

Flowers

Vito Fusco

لینڈ سکیپ فوٹوگرافی میں ایرانی فوٹوگرافر ماجد حجتی کے تصویر ’سائلنٹ نیبرہڈز‘ بہترین قرار دی گئی۔

Tent in front of mountains, below a small white cloud in the sky

Majid Hojjati

کریگ ایسٹن کو شمالی انگلستان میں کمیونٹیز کی نمائندگی کے حوالے سے ان کے کام پر سال کا بہترین فوٹوگرافر قرار دیا گیا

Black and white portrait of a man surrounded by birds

Craig Easton

کریگ نے مصنف اور دانشور عبدالعزیز حفیظ کے ساتھ مل کر شمالی انگلینڈ کی کمیونٹیز کی نمائندگی کا جائزہ لیا۔

2021 کے پیشہ وارانہ مقابلے کے چیئرمین مائیک ٹرو کا کہنا تھا کہ یہ وہ لوگ تھے جو عموماً تصاویر کھنچوانا پسند نہیں کرتے لیکن کریگ نے ان کا اعتماد حاصل کیا اور وہ کیمرے کے سامنے کھل گئے اور ہمیں تصویر بنانے اور بنوانے والے کے درمیان ایک تعلق دکھائی دیا۔

Black and white portrait of a woman

Craig Easton

ٹوماس ووسیلکا کا تعلق جمہوریہ چیک سے ہے اور انھوں نے تعمیرات کے شعبے میں پہلا انعام جیتا۔ ان کی تصویر ایک ایسے عسکری کمپلیکس کی تھی جسے اب جانوروں کے شمشان گھاٹ میں بدل دیا گیا ہے۔

People standing outside next to a reflective wall

Tomáš Vocelka

برطانیہ سے تعلق رکھنے والے مارک ہملٹن گرچی کو ناسا کے بارے میں ان کی سیریز پر کریئیٹو کیٹیگری میں پہلا انعام ملا۔

Edited image of an astronaut on the Moon

Mark Hamilton Gruchy

اٹلی کی سیمون تارمونتے ماحولیات کے زمرے میں بہترین تصویر کھینچنے والی شخصیت قرار دی گئیں۔ ان کی تصویر آئس لینڈ میں توانائی کے قابلِ تجدید ذرائع کے بارے میں تھی۔

People swimming outdoors

Simone Tramonte

پورٹ فولیو کے زمرے میں برطانیہ کی لارا پینک فاتح قرار دی گئیں۔

Person lying down

Laura Pannack

کھیلوں کے زمرے میں بہترین تصویر کا انعام انس الخاربوطلی کو دیا گیا جن کی سیریز کا عنوان جنگ اور خوف کی جگہ کھیل اور موج مستی تھا۔

اس سیریز میں انس نے شام کے شہر حلب کے مضافات میں واقع ایک ایسے کراٹے کلب کو اپنا موضوع بنایا جو بچوں کو جنگ کے ہولناک اثرات سے باہر نکلنے میں مدد دے رہا ہے۔

Children in a karate lesson

Anas Alkharboutli

ساکن زندگی کے زمرے میں بہترین فوٹوگرافر ہالینڈ کے پیٹر ایلویلڈ کو قرار دیا گیا۔

Black and white still life image of a spiky object

Peter Eleveld

جنگلی حیات اور فطرت کے زمرے میں سپین کے لوئیس ٹاٹو کو مشرقی افریقہ میں ٹڈی دل کے حملے کے بارے میں سیریز پر انعام دیا گیا۔

Man surrounded by a swarm of locusts

Luis Tato

تصاویر بشکریہ: سونی ورلڈ فوٹوگرافی ایوارڈز


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32291 posts and counting.See all posts by british-broadcasting-corp