زمبابوے کے خلاف سیریز پاکستان کے نام، بابر نے کوہلی کا ایک اور ریکارڈ توڑ دیا
پاکستان نے زمبابوے کو تیسرے اور فیصلہ کن ٹی ٹوئنٹی میچ میں 24 رنز سے شکست دے کر تین میچوں کی سیریز 1-2 سے اپنے نام کر لی۔ ادھر بابر اعظم نے تیز ترین 2000 رنز بنا کر بھارتی کپتان وراٹ کوہلی کا ایک اور ریکارڈ توڑ دیا۔
اتوار کو ہرارے میں کھیلے گئے میچ میں پاکستانی کپتان بابر اعظم نے ٹاس جیت کر پہلے خود بیٹنگ کا فیصلہ کیا۔ محمد رضوان نے صرف 60 گیندوں پر 91 رنز کی شان دار اننگز کھیلی جس میں تین چھکے اور پانچ چوکے شامل تھے۔
کپتان بابر اعظم نے 46 گیندوں پر پانچ چوکوں کی مدد سے 52 رنز کی اننگز کھیلی۔
شرجیل خان 18 جب کہ فخر زمان بغیر کوئی رنز بنائے آؤٹ ہوئے۔ پاکستان کی ٹیم نے تین وکٹوں کے نقصان پر 165 رنز بنا کر زمبابوے کو میچ جیتنے کے لیے 166 رنز کا ہدف دیا۔
Pakistan win the third #ZIMvPAK T20I by 24 runs and the series 2-1
Scorecard: https://t.co/GpW8FuH7M3
#HarHaalMainCricket #BackTheBoysInGreen pic.twitter.com/R17Kieb8wy
— Pakistan Cricket (@TheRealPCB) April 25, 2021
جواب میں زمبابوے کا آغاز اچھا رہا اور ایک موقع پر ایسا دکھائی دینے لگا کہ زمبابوے یہ میچ جیت سکتا ہے۔ تاہم بعدازاں وقفے وقفے سے وکٹیں گرتی رہیں اور مقررہ 20 اوورز میں زمبابوے کی ٹیم سات وکٹوں کے نقصان پر 141 رنز بنا سکی۔
پاکستان کی جانب سے حسن علی نے چار اوورز میں صرف 18 رنز دے کر چار وکٹیں حاصل کیں۔
محمد حسنین نے چار اوورز میں 26 رنز دے کر ایک، فہیم اشرف نے چار اوورز میں 30، حارث رؤف نے چار اوورز میں 34 رنز دے کر دو کھلاڑیوں کو آؤٹ کیا۔
حسن علی کو مین آف دی میچ کا ایوارڈ دیا گیا۔
بابر اعظم تیز ترین دو ہزار ٹی ٹوئنٹی رنز بنانے والے بلے باز
پاکستانی کپتان بابر اعظم نے ٹی ٹوئنٹی کرکٹ میں تیز ترین دو ہزار رنز بنا کر بھارتی کپتان وراٹ کوہلی کا ایک اور ریکارڈ توڑ دیا۔
بابر اعظم نے ٹی ٹوئنٹی کرکٹ کی 52 اننگز میں یہ سنگِ میل عبور کیا جب کہ وراٹ کوہلی نے 56 اننگز میں دو ہزار رنز مکمل کیے تھے۔
Babar Azam becomes the fastest batsman to 2000 T20I runs 🔥
He has taken only 52 innings to achieve the feat!#ZIMvPAK pic.twitter.com/cJT2HkYScg
— ICC (@ICC) April 25, 2021
اس سے قبل بابر اعظم نے ون ڈے کرکٹ میں وراٹ کوہلی کو پیچھے چھوڑتے ہوئے ون ڈے رینکنگ میں نمبر ون بلے باز کی پوزیشن حاصل کر لی تھی۔
ٹی ٹوئنٹی سیریز کے بعد پاکستان اور زمبابوے کی ٹیموں کے درمیان دو ٹیسٹ میچز بھی کھیلے جائیں گے۔
پہلا ٹیسٹ 29 اپریل جب کہ دوسرا ٹیسٹ سات مئی سے شروع ہو گا۔ دونوں میچز ہرارے میں کھیلے جائیں گے۔
Facebook Comments - Accept Cookies to Enable FB Comments (See Footer).