بھارت میں کرونا وائرس میں شدت: بالی وڈ اداکار بھی متاثرین کی مدد میں جُت گئے
اداکار سوشل میڈیا کی مدد سے اپنے کروڑوں مداحوں کو نہ صرف محفوظ رہنے اور ویکسین لینے کی درخواست کر رہے ہیں بلکہ متاثرہ افراد کی مالی مدد کی درخواست بھی کر رہے ہیں اور خود بھی اپنے فنڈز سے امدادی نیٹ ورک چلا رہے ہیں۔
کرونا وائرس کی لہر کے شروع ہوتے ہی بالی ووڈ اداکار سونو سود سب سے آگے رہے۔ انہوں نے گزشتہ برس لاک ڈاون سے متاثر ہونے والے مزدوروں کو ان کے گھروں تک پہنچانے کے لئے ٹرانسپورٹ کا انتظام کیا۔ اس سال بھی انہوں نے دو نجی ہیلتھ آرگنائزیشن کے ساتھ مل کر فری کووڈ ہیلتھ لائن کا آغاز کیا ہے۔ سوشل میڈیا پر لوگ ان سے براہ راست مدد کی اپیل بھی کر رہے ہیں۔
Nothing will happen to your grandfather.
Oxygen cylinder delivered.☑️
Wish him a speedy recovery 🇮🇳@SoodFoundation https://t.co/gsGOmBMgEI— sonu sood (@SonuSood) April 30, 2021
بھارتی اداکار پریانکا چوپڑا نے، جو امریکی گلوکار نک جوناز کے ساتھ شادی کے بعد امریکہ میں رہائش پذیر ہیں، ’’ٹوگیدر فار انڈیا ‘‘ کے نام سے فنڈ اکٹھے کرنے کا آغاز کیا ہے۔ جب کہ وہ امریکی حکومت سے بھی درخواست کر رہی ہیں کہ وہ مشکل کی اس گھڑی میں بھارت کی مدد کرے۔
— PRIYANKA (@priyankachopra) April 28, 2021
سپر سٹار جوڑا، اجے دیوگن اور کاجل نے برہمن ممبئی میونسپل کونسل کے اشتراک کے ساتھ طبی سہولیات فراہم کرنے کی مہم کا آغاز کیا ہے۔ انہوں نے ٹوئیٹر پر شہر کے مختلف علاقوں میں بنائے گئے آئی سی یو یونٹ کی تصاویر بھی جاری کی ہیں۔
— Ajay Devgn (@ajaydevgn) April 29, 2021
سپر سٹار سلمان خان ’’بینگ ہیومن‘‘ کے نام سے پہلے ہی ایک فاونڈیشن چلا رہے ہیں۔ انہوں نے فرسٹ رسپونڈرز، پولیس اہلکاروں اور ہیلتھ کئیر ورکرز کو کھانا پہنچانے کے لئے فوڈ ڈرائیو کا آغاز کیا ہے۔ فلم فئیر میگزین کے مطابق وہ وقتاً فوقتاً امدادی کاموں کا خود جائزہ بھی لیتے ہیں اور اس بات کو یقینی بناتے ہیں کہ امدادی کارروائیوں کے دوران کرونا وائرس کی روک تھام کے لئے جاری کی گئی ہدایات پر عمل کیا جا رہا ہے۔
#SalmanKhan relaunches his initiative Being Haangryy in which trucks go around distributing food kits to frontline workers. So far, food kits have been distributed between Worli and Juhu areas in Mumbai. pic.twitter.com/6CL6NgM8wG
— Filmfare (@filmfare) April 24, 2021
Facebook Comments - Accept Cookies to Enable FB Comments (See Footer).