EnglishUrduHindiFrenchGermanArabicPersianChinese (Simplified)Chinese (Traditional)TurkishRussianSpanishPunjabiBengaliSinhalaAzerbaijaniDutchGreekIndonesianItalianJapaneseKoreanNepaliTajikTamilUzbek

کوپا امریکہ کا آغاز: افتتاحی میچ میں برازیل نے وینزویلا کو 0-3 سے شکست دے دی

  •  
  •  
  •  
  •  
  •  
  •  
  •  
  •  
  •  
  •  
  •  
  •  

دفاعی چیمپئن برازیل نے افتتاحی میچ میں کامیابی سے آغاز کیا۔
ویب ڈیسک — کرونا وائرس کے خدشات کے باوجود برازیل میں کوپا امریکہ فٹ بال ٹورنامنٹ کا آغاز ہو گیا ہے۔ اتوار کو ایونٹ کے افتتاحی میچ میں میزبان برازیل نے وینزویلا کو 0-3 سے شکست دے دی۔

جنوبی امریکہ کی فٹ بال گورننگ باڈی کونمیبول نے دو ہفتے قبل ہی ایونٹ کے انعقاد کے لیے برازیل کا انتخاب کیا تھا۔ اس سے قبل یہ ایونٹ مشترکہ طور پر ارجنٹینا اور کولمبیا میں شیڈول تھا۔

ایونٹ کے افتتاحی میچ میں میزبان اور دفاعی چیمپئن برازیل نے وینزویلا کے خلاف زبردست کھیل پیش کیا۔ میچ کے 23 ویں منٹ میں مارکوئن ہس نے گول کر کے ٹیم کو برتری دلائی جو پہلے ہاف کے اختتام تک برقرار رہی۔

دوسرے ہاف میں میچ کے 63 ویں منٹ میں نیمار نے ایک گول داغ کر برازیل کی برتری ڈبل کی تو وینزویلا کی ٹیم دباؤ کا شکار دکھائی دی۔ میچ کے 89 ویں منٹ میں برازیل کے گیبریل بارسوسا نے ایک گول کر کے اسکورنگ بورڈ پر گول کی تعداد تین کر دی۔

میچ کے اختتام تک وینزیلا کی ٹیم کوئی گول نہ کر سکی جب کہ برازیل کے گولز کی تعداد تین تھی۔

کرونا کے باعث گراؤنڈ میں تماشائیوں کے داخلے پر پابندی کی وجہ سے لاکھوں شائقین نے اپنی ٹی وی اسکرینوں پر میچ دیکھا۔
کرونا کے باعث گراؤنڈ میں تماشائیوں کے داخلے پر پابندی کی وجہ سے لاکھوں شائقین نے اپنی ٹی وی اسکرینوں پر میچ دیکھا۔

وینزویلا کے کھلاڑیوں کے کرونا ٹیسٹ مثبت

وینزویلا کے اسکواڈ میں شامل آٹھ کھلاڑیوں کے ہفتے کو کرونا ٹیسٹ مثبت آئے تھے جس کے بعد مزید 15 کھلاڑیوں کو ہنگامی طور پر طلب کیا گیا تھا۔

میزبان برازیل کو کرونا وبا کے دوران ایونٹ کے انعقاد پر تنقید کا سامنا ہے۔ ٹیم کے کوچ ٹائٹ بھی اس موقع پر ایونٹ کے انعقاد کے حامی نہیں تھے۔

کرونا وبا کے باعث ایونٹ کے میچز تماشائیوں کے بغیر ہوں گے۔ برازیل اور وینزویلا کے درمیان کھیلے جانے والے میچ کو لاکھوں شائقین نے اپنے گھروں کی ٹی وی اسکرینز پر ہی دیکھا۔

یاد رہے کہ ایونٹ میں دس ٹیمیں شریک ہیں جنہیں دو گروپس میں تقسیم کیا گیا ہے۔

گروپ ‘اے’ میں میزبان برازیل، کولمبیا، ایکواڈور، پیرو اور وینزویلا کی ٹیمیں شامل ہیں جب کہ گروپ ‘بی’ ارجنٹینا، بولیویا، چلی، پیراگوئے اور یوروگوائے کی ٹیموں پر مشتمل ہے۔

کوپا امریکہ کپ میں 10 ٹیمیں شریک ہیں۔
کوپا امریکہ کپ میں 10 ٹیمیں شریک ہیں۔

کوپا امریکہ میں ناک آؤٹ مرحلے کا آغاز تین جولائی سے ہو گا اور ایونٹ کا فائنل 10 جولائی کو میراکانا اسٹیڈیم میں کھیلا جائے گا۔

دو سال قبل اسی گراؤنڈ میں کوپا امریکہ کے فائنل میچ میں برازیل نے پیرو کو ایک کے مقابلے میں تین گول سے شکست دے کر نویں مرتبہ ٹائٹل اپنے نام کیا تھا۔

واضح رہے کہ رواں برس ہونے والے ایونٹ میں مجموعی طور پر 12 ٹیمیں شامل تھیں، جن میں جنوبی امریکہ کی فٹ بال ایسوسی ایشن کی دس رکن ٹیموں کے علاوہ قطر اور آسٹریلیا کو بطور میزبان مدعو کیا گیا تھا۔

ایونٹ کی بے یقینی کی وجہ سے قطر اور آسٹریلیا دست بردار ہو گئے تھے جس کے بعد اب 10 ٹیمیں ایونٹ کا حصہ ہیں۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

وائس آف امریکہ

”ہم سب“ اور ”وائس آف امریکہ“ کے درمیان باہمی اشتراک کے معاہدے کے مطابق ”وائس آف امریکہ“ کی خبریں اور مضامین ”ہم سب“ پر شائع کیے جاتے ہیں۔

voa has 2570 posts and counting.See all posts by voa

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے