ربّا سچّیا توں تے آ کھیا سی

اس رپورٹ میں ان تمام کرداروں کو بے نقاب کیا گیا تھا ان کے نام اور زہریلا کردار بالکل واضح د کھا یا گیا تھا۔ یقیناً مادر ملت کو بعد میں تاریخ نے سرخرو اور ان تمام کرداروں کو رو سیاہ کیا۔ رپورٹ کافی دلچسپ اور تاریخی حقائق سے بھرپور تھی لہذا بے چینی سے ایک سامع کا انتظار کرنے لگا تا کہ اس پر اپنی علمیت اور معلومات کا رعب جمایا جا سکے۔ تھوڑی ہی دیر میں میرا شکار آ گیا۔ بوٹا جس کا پورا نام بھی بوٹا ہی ہے۔ پہلی ملاقاتوں میں کسی دن تبحر علمی جوش میں تھا کہ میں نے کہ دیا کہ “بوٹے میرا خیال ہے تمہارا پورا نام، تمھارے والدین  نے محمّد بوٹا رکھا ہو گا ” کہنے لگا ” باؤ جی آپ پڑھے لکھے ہیں جو مرضی کہ لیں ویسے میرا پورا نام بھی بوٹا ہی ہے”۔  اس ناک آوٹ  پنچ کے بعد میں نے بوٹے کو ایزی لینا کم کر دیا تھا۔ وہ پیشے کے لحاظ  سے مالی ہے تعلیم وا جبی سی ہے  لیکن میری خود ساختہ دانشوری سے بلکل مرعوب نہیں۔

آج مجھے پورا یقین تھا کہ میں اس کم علم آدمی کو کافی پرمغز اور فکر انگیز تاریخی حقائق سے مرعوب کر لوں گا اور اپنے علم سے لاجواب کر دوں گا۔ بہرحال میں نے بڑے مزے لے  لے کر رپورٹ کے اہم نکات اپنے مفکرانہ انداز سے بیان کیے اور وہ غور سے سنتا رہا۔ رپورٹ مکمل سنانے کے بعد میں نے فاتحانہ انداز سے اسے دیکھا تو وہ کہنے لگا ” وڈا تیر چلایا باؤ جی”  یعنی بڑا تیر چلایا آپ نے۔ میں نے کہا کیوں کیا ہوا۔ کہنے لگا ” اے سارا کج  تے او سراں ای ہے ہجے تک” یعنی  “یہ سب کچھ تو اب بھی ویسا ہی ہے ” 2018 دے الیکشن وچ وی تے ایہو کج ای ہویا سی، اوہو ای ڈاڈیاں دی زورا وری، اوھو ای جانبدار میڈیا تے غداری تے کرپشن دے چوٹھے مراسیان دے فتوے، کینیڈا آلا بابا تے اوہدے ترنے ( دھرنے)، تے دوجا بابا جیہڑا گالاں کڈدا سی (فوت ہو گیا اے)  ا و  تے، او جج ثاقب نثار تے او پنڈی دا شیخ  تے وڈیاں ناساں والا حسن نثار، ایناں نے جیهڑا کردار ادا کیتا امران خان دے جتن واسطے، اس الیکشن تے پینٹھ آ لے الیکشن اچ ہے کوئی فرق؟ “

 تھوڑی دیر بعد وہ پھر بولا “باؤ جی منوں اک گل ہور دسو ” میں نے کہا وہ کیا ” اے ساریاں گلاں تے سارے کردار کدوں بے نقاب ہونڑ گے، کدوں ماڑیاں تے کمزوراں دی ارزاں سنے گا رب سچا، کدوں ظالمان دا یوم حساب آے گا،  ایس رپورٹ بنانڑ  تے وی پچپن سال لاؤ گے؟”  یعنی ” 2018 کے الیکشن میں بھی تو یہی کچھ ہوا تھا، وہی طاقت وروں کی زورآوری، وہی جانبدار میڈیا اور اس پر بیٹھے جانبدار تجزیہ نگار اور ان کے جھوٹے غداری کے سرٹیفکٹ، کینیڈا والے بابا جی کے دھرنے، بابا جی گالیوں والی سرکار کی ریاست کے اوپر ریاست، جج ثاقب نثار اور شیخ رشید اور حسن نثاروں کے کردار، یہ سب کب اپنے انجام کو پہنچیں گے غریب اور محروم طبقات کے دن کب پھریں گے، ظالموں کا یوم حساب کب آے گا کب سنے  گا رب سچا ہماری دعائیں” بوٹے نے ایک بار پھر مجھے لاجواب کر دیا تھا میں نے خفت مٹانے کے لیے اسے کہا بو ٹے  چھوڑ یہ ساری باتیں میں تجھے فیض صاحب کی  پنجابی نظم سناتا ہوں اور وہ فیض صاحب کی نظم سننے کے لئے مرے پاس آ  کے نیچے زمین پر آ لتی پالتی  بیٹھ گیا اور میں اسے فیض صاحب کی نظم ربا سچیا سنانے لگا۔