ملک کا موجودہ سیاسی منظر نامہ اور اس کا پس منظر

اسٹیبلشمنٹ اگر اتنا ہی احسان کرے کہ ” اسٹیبلشمنٹ ” کے ہی ان طالع آزماوں کو لگام ڈالے جو ایک حصے کے ” نیوٹرل ” ہو جانے سے اتفاق کرتے دکھاٸی نہیں دیتے, اور یہ ” کردار ” اسی طرح اُن گندے کرداروں کی سرپرستی اور مدد جاری رکھے ہوے دکھاٸی دے رہے ہیں, جیسے وہ ماضی میں کیا کرتے تھے، اس سرپرستی کا ثبوت ماضی میں اشاروں پر بار بار پارٹیاں بدلنے والے اور خود کو فخریہ اور اعلانیہ طور پر کسی گیٹ کی پیداوار بتانے والے ازلی فصلی بٹیروں کی حالیہ ” استقامت ” اور اس کے بلند و بانگ اعلانات ہیں، قوم ان عناصر اور ان کی استقامت کی تاریخ سے اچھی طرح واقف ہے، اگر ان کو کہیں سے اشارہ اور سرپرستی حاصل نہ ہوتی, تو یہ کب کے کسی اور کھیت کی طرف پرواز کر چکے ہوتے ۔ اس صورت میں دوسرے حصے کا “نیوٹرل” ہو جانا بھی کچھ کارگر ثابت نہیں ہو رہا ۔

اس صورتحال میں ملک کے حالات تیزی سے طواٸف الملوکی اور انارکی کی طرف جاتے دکھاٸی دے رہے ہیں ۔ ہونا تو یہ چاہٸیے کہ موجودہ حکومت، کھل کر ان عناصر جن کا یہ مزموم غیر قانونی و غیر آٸینی کردار کسی سے بھی پوشیدہ نہیں، کے اصل چہرے عوام کے سامنے لاتی, تاکہ عوام کسی غلط فہمی کا شکار ہونے کے بجاے ان کو اچھی طرح سے پہچان لیتے، لیکن الٹا اس وقت عمران نیازی صاحب فوج, عدلیہ, الیکشن کمیشن سے لیکر ان کا مواخذہ کرنے کی بات تک کرنے والے ہر ادارے اور شخصیت پر حملہ آور ہو رہے ہیں, بلکہ ان کو فوج کے اپنے آئینی مینڈیٹ کے مطابق سیاست میں نیوٹرل رہنے تک پر اعتراض ہے،جس کا وہ ان کے لٸیے توہین آمیز مثالوں کی صورت میں اپنی تقاریر میں کھلے عام زکر کرتے ہیں، دوسری طرف وہ واضع اور کھلی غلط بیانی کرتے ہوے عدلیہ اور الیکشن کمیشن کو دباو میں لانے کے لٸیے باقاٸدہ ایک منظم مہم چھیڑے ہوے ہیں، اور بدقسمتی سے اس ناجاٸز دباو کے اثرات ان اداروں پر پڑتے دکھاٸی بھی دے رہے ہیں ۔

نواز شریف صاحب نے بھی اپنے دور حکومت میں یہی غلطی کی تھی جو موجودہ حکومت پھر سے دھراتی دکھاٸی دے رہی ہے، اور وہ یہ سمجھنے میں ناکام رہے تھے کہ استقامت دکھانے کا بھی کوٸی مناسب وقت ہواکرتا ہے، اور بعد از وقت دکھاٸی گٸی استقامت بھی اتنی کارگر نہیں رہتی، جب وہ ان کی سازشوں اور ماوراے قانون و آٸین اقدامات پر خاموش رہتے ہوے ان کی طرف سے ناجاٸز شراٸط مانتے چلے گٸے, اور الٹا ان عناصر کے مطالبات پر اپنے مخلص ساتھیوں کی قربانی دیتے رہے، حتیٰ کہ نوبت ان کی زات تک آن پہنچی, اور وہ پہلےمعزول پھر جیل اور پھر جلا وطنی کا شکار ہوے، وہ اسی وقت ان عناصر کو کھلے عام عوام کے سامنے ایکسپوز کرتے ہوے اپنے قانونی اختیارات کے مطابق ان کی معزولی اور ان کے خلاف قانونی کاررواٸی اور مواخذے کا اعلان ہی کر دیتے, تو وہ عناصر جس قانون کی ناجاٸز طور پر آڑ لیتے رہے، وہ آڑ اُن سے چھن جاتی، اور پھر وہ جو کچھ بھی کرتے وہ واضع طور پر قانون شکنی اور آٸین شکنی سمجھا جاتا۔

اب بھی حالات ان سازشوں کی وجہ سےحسب سابق اُسی طرف جاتے دکھاٸی دے رہے ہیں اور اس صورت میں پاکستان کے جمہوری نظام بلکہ خدانخواستہ پاکستان کو ناقابل تلافی نقصان پہنچنے اور ان سازشی عناصر کی کامیابی کی صورت میں یہاں بھی مصر ہی کی طرح کا نظام آ جانے کا اندیشہ ہے ۔ جس کے لٸیے ” اسلامی صدارتی نظام ” کے نام کے تحت عرصہ سے لابٸنگ کی جا رہی ہے اور کہیں یہ منصوبہ تیار پڑا ہواہے، تاکہ اپنے مطلق اقتدار کو اپنی منشاء کے مطابق طول دیا جا سکے, اور مخالفت میں یا جمہوری حقوق کے حصول کے لٸیے اٹھنے والی ہر مخالفانہ آواز کو ظلم و جبر سے خاموش کر دیا جاے ۔ یہ عمران نیازی صاحب جو بار بار اپنے تٸیں چین کے تعزیری نظام کی مثالیں دیتے ہیں, اس کے پس منظر میں یہی خواہش یا حسرت کارفرما ہے کہ وہ بغیر کسی قانونی کارروائی اور شنواٸی کے مخالفین کو اپنے الزامات پر زبانی حکم سے ہی اپنی پسند کی عبرتناک سزاٸیں دے کر راستے سے ہٹا سکیں، جبکہ دوسری طرف وہ اپنے بارے میں کسی معیاری قانونی کارروائی تک کو ماننے پر تیار نظر نہیں آتے، اور اپنی تقاریر میں خود پر عاٸد کردہ الزامات کا غلط اور گمراہ کن انداز میں قبل از وقت زکر کر کے ان الزامات اور متوقع قانونی کارروائی کا اثر زاٸل کرنے کی کوشش کرتے ہیں, جیسے انہوں نے کچھ عرصہ قبل اپنی تقریر میں فرح گجر صاحبہ کے خلاف متوقع کارروائی کا قبل از وقت ذکر کر کے ان پر عاٸد ہونے والے امکانی الزامات کا اثر زاٸل کرنے کی کوشش کی، اور اس کے فوری بعد ان محترمہ کو سرکاری مدد سے پولیس کی نگرانی میں ایک چارٹرڈ طیارے میں دبٸی روانہ کر دیا گیا، جہاں وہ اب تک مقیم ہیں۔

عمران نیازی صاحب یہ تمام مہم انتہاٸی ہوشیاری سے چلاے ہوے ہیں, اور اپنے ہی آرگناٸز کٸیے ہوے ماحول میں باقاٸدہ سیٹ لگا کر اپنے ایسے انٹرویوز صحافی کے روپ میں بٹھاے اداکاروں کے زریعے فلم بند کرواتے ہیں، جن میں سوال تک ان کے حسب منشاء اور ان کے پراپگنڈے کو تقویت دینے والے ہوتے ہیں، نیازی صاحب نے اپنے دور حکومت میں آزاد پریس اور میڈیا کے ساتھ جو سلوک کیا ہے وہ ادوار آمریت کی سنسر شپ سے بھی بدتر رہا، اور آزاد پالیسی اختیار کرنے والے صحافیوں کو جبری طور پر بےروزگار کروانے سے لیکر ان پر جسمانی طور پر حملے بھی کرواے جاتے رہے، اس پس منظر کے ساتھ ان سے یہ توقع نہیں رکھی جا سکتی, کہ وہ کسی باقاٸدہ صحافی کو آزادانہ طور پر انٹریو لینے کا موقع دیں گے،وہ بدستور فلمی سیٹ لگا کر، اپنے زاتی سٹوڈیو میں بہترین لاٸٹنگ اور مددگار تنخواہ دار اور وظیفہ خوار سٹاف کے ساتھ خود ساختہ انٹرویوز پرفارم کرتے رہیں گے، تاکہ عوام کی راے عامہ کو گمراہ کرنے کی مسلسل کوششیں بدستور جاری رکھی جاٸیں۔

دوسری طرف موجودہ حکومت ناقابل فہم وجوہات کی بناء پر عمران نیازی صاحب کے تقریباً چار سالہ دور حکومت میں کی گٸی کرپشن اور بدعنوانی کے بڑے بڑے واقعات سامنے لانے اور ان پر کارروائی کرنے کے بجاے چھوٹے اور غیر اہم قسم کے الزامات پر اکتفاء کرتی نظر آ رہی ہے، یہ تقریبا ایک سو چالیس ارب کی لاگت کے بی آر ٹی پشاور کی دوبارہ تحقیقات کروانے، گرینڈ حیات ٹاورز میں اربوں کی مالیت کے دو فلیٹس کی ملکیت اور ذراٸع اداٸیگی پر سوال کرنے، پنڈورہ لیکس میں چار زمان پارک کے پتہ پر رجسٹرڈ آف شور کمپنیوں کی اصل ملکیت معلوم کرنے، اپنی آمدنی سے زاٸد اثاثہ جات بنانے، اپنے رشتہ داروں کے اثاثوں میں حیرت انگیز اضافوں پر سوال کرنے، محترمہ علیمہ خان صاحبہ کی بیرونی جاٸیداد اور اثاثہ جات کے ذریعہ پر سوال کرنے، بنی گالا کی زمین کو قانونی بنانے کے سلسلے میں یونین کونسل کے پیش کردہ جعلی لیٹر کے معاملہ کی تحقیقات اور منی لانڈرنگ اورمختلف زراٸع سے بیرونی ممالک میں بھاری رقومات کی وصولی اور ڈمپنگ پر سوال کرنے کے بجاے ان کا مقابلہ فیصل آبادی جگتوں، کھوکھلی دھمکیوں اور کم مالیت کے غیر اہم معاملات کو اٹھا کر کرنے کی کوشش کرتی دکھاٸی دے رہی ہے، اور اس طرز عمل سے تحریک انصاف کو عوامی راے عامہ کو اس معاملے میں گمراہ کرنے کا موقع مل رہا ہے، اور یہ نیم دلی موجودہ حکومت کے لٸیے بہت شدید سیاسی نقصان کا باعث بن سکتی ہے۔