رچرڈ اولسن کی جنرل راحیل شریف سے ملاقات

چیف آف آرمی سٹاف جنرل راحیل شریف سے افغانستان اور پاکستان کے لئے امریکا کے خصوصی نمائندے رچرڈ اولسن نے ملاقات کی۔پاک فوج کے شعبہ تعلقات عامہ (آئی ایس پی آر) سے جاری ہونے والے اعلامیہ کے مطابق جنرل ہیڈ کوارٹر میں ہونے والی ملاقات کے دوران خطے کی مجموعی سکیورٹی صورتحال سمیت افغانستان کی صورتحال پر تبادلہ خیال کیا گیا۔رچرڈ اولسن نے دہشت گردی کے خلاف جنگ میں پاکستانی کاوشوں کو سراہا۔