افغانستان میں القاعدہ کے اہم ٹارگٹ کے خلاف آپریشن کیا ہے: امریکی اہلکار

ایک سینیئر امریکی اہلکار نے دعویٰ کیا ہے کہ افغانستان میں القاعدہ کے ایک اہم ٹارگٹ کے خلاف ایک کامیاب آپریشن کیا گیا ہے۔

ان کا کہنا ہے کہ یہ آپریشن ہفتے کے اختتام پر کیا گیا اور اس میں کوئی عام شہری ہلاک نہیں ہوا۔

دوسری جانب طالبان کے ترجمان نے بھی کہا ہے کہ اتوار کو کابل کے رہائشی علاقے شیر پور میں امریکہ نے ڈرون حملہ کیا ہے۔

اپنی ٹویٹ میں ذبیح اللہ مجاہد نے بتایا کہ ابتدا میں اس واقعے کی نوعیت معلوم نہیں تھی، پھر سکیورٹی اور انٹیلیجنس ایجنسیز کی تحقیقات سے پتہ چلا کہ یہ ڈرون حملہ تھا۔

اپنے بیان میں اسے بین الاقوامی اصولوں اور دوہا معاہدے کی واضح خلاف ورزی قرار دیا ہے۔

https://twitter.com/Zabehulah_M33/status/1554187982407696387

طالبان کے ترجمان نےاسے گذشتہ 20 سال کے ناکام تجربات کو دوہرانے کے مترادف قرار دیا ہے اور کہا ہے کہ اس قسم کے اقدامات امریکہ اور افغانستان اور خطے کے مفادات کے خلاف ہیں۔

https://twitter.com/WhiteHouse/status/1554212842009726977

وائٹ ہاؤس کی جانب سے بھی ٹوئٹ میں بتایا گیا ہے کہ صدر جو بائیڈن دہشت گردی کے خلاف کامیاب آپریشن پر بات کریں گے۔

یہ خبر ابھی مزید اپ ڈیٹ کی جا رہی ہے