پرما کی اٹھارہویں سالگِرہ پہ فینی کے محبت بھرے خطوط ( 18 )

انسان اگر ٹھان لے تو کچھ بھی کر سکتا ہے اور کسی بھی بلندی تک پہنچ سکتا ہے مگر جو بات اہم ہے وہ یہ کہ انسان کو کبھی بھی سیکھنے کا عمل ترک نہیں کرنا چاہیے۔ زندگی کے ہر قدم پہ انسان کچھ نہ کچھ نیا سیکھ سکتا ہے اور سیکھنا چاہیے۔ جس دن ہم یہ سمجھ لیں کہ ہم سب جانتے ہیں اس دن ہماری ذہنی موت واقع ہو جائے۔ سیکھنے اور جاننے کا عمل جاری رہنا چاہیے۔ آگے بڑھنے کے لئے ضروری ہے کہ روز کچھ نیا سیکھا اور کیا جائے۔ پرما تم اور فرجاد دونوں کچھ نہ کچھ نیا سیکھنے اور کرنے کے لئے تیار رہتے ہو یہ بہت اچھی بات ہے۔ زندگی آگے بڑھنے اور تبدیلی کا نام ہے جس کے لئے ضروری ہے کہ انسان سیکھنے کے عمل کو جاری رکھے اور ہر گزرتے دن کے ساتھ اپنے آپ کو بہتر کرتا جائے۔

آگے بڑھنے کے لئے محنت کے ساتھ زندگی کے ہر قدم پہ خود کو بہتر بنانے اور تبدیلی کو قبول کرنے کی صلاحیت ہونی چاہیے۔ ترقی اور کامیابی ان کو ہی ملتی ہے جو وقت کے ساتھ ہونے والی تبدیلی سے کچھ سیکھ کر آگے بڑھتے ہیں۔