ڈی سینٹرا لینڈ میں ٹہلتے اوتار کا ایک منظر۔ یہ تصویر کمپیوٹر مانیٹر سے لی گئی ہے جس میں عمیق تاثرات کو نہیں دیکھا جا سکتا

اپنی الگ دنیا بنانے اور بسانے کا خواب کم و بیش ہر انسان میں ہی پایا جاتا ہے۔ فکری طور پر اب تک مفکر، لکھاری اور ہدایتکار کسی دوسری دنیا کے تخیلات کو لفظوں اور مناظر میں پرو کر قارئین، سامعین اور ناظرین کو پیش کرتے تھے۔ یہ پیشکش سامعین کے ذہنوں پر تو نقش چھوڑتی تھی مگر حقیقی زندگی میں براہ راست اس کا اثر نہیں تھا۔ اس کے ساتھ ساتھ پیش کردہ دنیا کا حقیقی دنیا سے کسی قسم کا تعامل اور اس کے پس منظر میں کوئی تبدیلی بھی ممکن نہ تھی۔