ساہیوال میں ایک بار پھر دہشت گرد مارے گئے

وقار سنا ہے تمہیں بھی دکھ ہو رہا خلیل اور اس کی فیملی کے مارے جانے کا، تمہاری تو فیسبک وال بھی ویران ہے کوئی مذمت کوئی اظہار افسوس کوئی گالم گلوچ تاحال پوسٹ نہیں کی باقی تو ساری قوم جاگ گئی ہے پھر تم دل ہی دل میں کیوں گھٹ رہے ہو، کہیں خاموش احتجاج تو نہیں کر رہے۔ یاد رکھنا اب احتجاج نہ بھی کرو تو ہمیں کچھ فرق نہیں پڑتا کیوں کے آج میرے بعد خلیل بھائی کا کیس بھی اللہ کی عدالت میں درج ہو گیا ہے جس کا فیصلہ تم سب کی آنکھیں کھول دے گا۔

یاد ہے میں بھی دہشت گرد کہہ کر مار دیا گیا تھا اور پھر میں یہاں نہایت اطمینان سے رہ رہا تھا کہ اچانک میری ملاقات خلیل بھائی اور نبیلہ بھابی سے ہوئی پتہ چلا انہیں بھی دہشت گرد کہہ کر مارا گیا ان کے ساتھ ننی بچی اریبہ بھی تھی اور اسے بھی تمہاری دنیا میں دہشت گرد کہا جا رہا تھا۔ اریبہ اپنی ماں کے ساتھ لگ کر جنت میں بھی رو رہی تھی کہ عمیر اور چھوٹی دونوں بہنوں کا خیال کون رکھے گا، انہیں سکول کون لے کے جائے گا، کھانا کون کھلائے گا اور تخفظ کون دے گا۔

Read more

وینٹی لیٹر پر پڑے اردو ادب کو جنسی آکسیجن

اردو ادب میں رومان ہمشہ سے موجود رہا ہے اور اسے ادب کا حسن بھی تصور کیا جاتا رہا ہے چونکہ اب موبائل اور انٹرنیٹ ٹیکنالوجی کی بدولت کتابوں اورادب سے ہم دور ہو چکے اور کتابوں کی جگہ انٹرنیٹ نے لے لی ہے، پہلے وقتوں میں جو لوگ کتابوں کا مطالعہ کا شوق رکھتے تھے اور شاعری کو ادب کی روح سمجھتے تھے وہ بھی آج کل ٹِک ٹَاک پر ویڈیوز بنا کر لونڈوں کی نقل کرتے نظر آتے ہیں، فیسبک اور ٹویٹر پر ہم اپنے دوستوں کی فضول تصاویر اور لغویات دیکھتے نہیں تھکتے۔

ٹیکنالوجی کے بعد آج کل آن لائن جرائد کا دور چل رہا ہے جس کا فائدہ یہ ہے کہ کتابوں سے دوری کے باوجود ہم لٹریچر اور ادب سے کسی نہ کسی صورت جُڑے ہیں لہذا مرتے ادب کو ٹیکنالوجی کے ذریعے بچانے کو ایک کوشش جاری ہے۔

Read more

یتیم محکمہ عرف محکمہ پولیس

عموماً کہا جاتا ہے کہ محکمہ پولیس ایک کرپٹ ترین محکمہ ہے جہاں صرف طاقتور کی سنی جاتی ہے، جہاں صرف امیر شہر کا حکم چلتا ہے اور جہاں ناکوں پر سو پچاس کا فارمولا چلتا ہے۔ یہ تمام الزامات اپنی جگہ درست واقعتاً ہر محکمہ کی طرح پولیس میں بھی کالی بھیڑیں بڑی تعداد میں موجود ہیں جو ہر دوسرے شخص سے عیدی وصول کرنے اور ناکہ لگا کر دیہاڑی لگانے کے چکر میں رہتی ہیں، کچھ تھانوں کے سربراہ ایسے بھی ہیں جن کا اگر صرف موبائل ٹیپ کیا جائے تو 90 فیصد جرم کون، کیوں، کیسے اور کب کرتا سب واضح ہو جائے گا۔

مگر محکمہ پولیس ایسا بھی نہیں جیسا ہم سمجھتے ہیں، وہ اہلکار بھی اسی محکمہ کا ہے جو چوبیس چوبیس گھنٹے ڈیوٹی پر تعینات رہتا ہے اور وہ اہلکار بھی محکمہ پولیس کا ہی ہے جسے اپنے محکمہ کے ملازمین پر افسر ان بالا کے حکم پر نہ چاہتے ہوئے بھی عمل کر کے لاٹھی چارج کرنا پڑتا ہے ذرا سوچیئے اگر آپ پولیس اہلکار ہوں اور آپ کو اپنے دوستوں اور ساتھ ڈیوٹی کرنے والے عارضی ملازمین بھائیوں کے پُرامن احتجاج کو منتشر کرنے کے لئے ہاتھ میں ڈنڈا دیا جائے تو نہتے دوستوں اور ساتھیوں پر تشدد کرتے ہوئے آپ کے کیا احساسات ہوں گے۔

Read more

سیاسی گیم شو

موجودہ وزیراعظم آزاد کشمیر راجہ فاروق حیدر کی عمران خان سے ملاقات میں اہم نقطہ تخت کی سلامتی کی ضمانت چاہنا تھا اور رسمی طور پر عمران خان نے یقین دہانی کروا دی تھی کے آپ بے فکر رہیں میں ایسی کسی سرگرمی کا ساتھ نا دوں گا مگر پی ٹی آئی کے ایک اہم عہدیدار اور عمران خان کے قریبی دوست نے پاکستان کے جنرل الیکشن کے دوران نجی محفل میں انکشاف کیا تھا کہ ”ڈیل ہو چکی ہے پاکستان میں حکومت بننے کے بعد آزاد کشمیر میں بھی ن لیگ سے کرسی چھین لی جائے گی“۔

Read more