آڈیو ویڈیو کالم بی بی سی خبریں

سانتا تکلا جشن، گھوڑوں کا میوزیم، پالتو مگرمچھ اور خواجہ سرا پردے کے پیچھے

22/09/201822/09/2018 بی بی سی

گذشتہ ہفتے خبروں کی دنیا سے لی جانے والی بعض اہم تصاویر یہاں پیش کی جا رہی ہیں۔

منشیات کی کھیتی کو تباہ کرتے ہوئے فوجی — میکسیکو کے چند فوجی ضبط شدہ منشیات کو نذر آتش کر کے دھویں سے بچنے کی کوشش کرتے ہوئے۔

آتش بازیوں کے درمیان رقص — یہاں سپین کے سٹگیس میں سانتا تکلا جشن کے دوران رقص کرنے والوں کے ایک گروہ کو آتش بازیوں کے درمیان رقص کرتے دیکھا جا سکتا ہے۔

ایک خواجہ سرا — انڈیا کے شہر ممبئی میں خواجہ سراؤں کے لیے پیسے اکٹھا کرنے کے لیے منعقد کی جانے والی ایک تقریب میں ایک خواجہ سرا پردے کے پیچھے اپنی باری کا انتظار کرتے ہوئے۔

نیدرلینڈس کی ٹیم کوپمین — جنوبی افریقہ میں رسہ کشی کی عالمی چیمپیئن شپ میں نیدرلینڈز کی ٹیم کوپمین کو مقابلہ کرتے دیکھا جا سکتا ہے۔ اس چیمپیئن شپ میں 20 ممالک کے تقریبا 1100 ایتھلیٹس مختلف زمروں میں شرکت کر رہے ہیں۔

شمالی کوریا کی ایک تقریب — شمالی کوریا کے دارالحکومت پیانگ یانگ کے مے ڈے سٹیڈیم میں جنوبی کوریا کے صدر اور شمالی کوریا کے رہنما کے درمیان ملاقات کے موقعے پر منعقدہ رنگا رنگ تقریب کی ایک جھلک۔

فلپ جیلٹ اپنے مگرمچھ کے ساتھ — 67 سالہ فلپ جیلٹ فرانس میں نینٹس کے پاس اپنے گھر میں 400 سے زیادہ رینگنے والے جانوروں کے ساتھ رہتے ہیں۔ انھیں یہاں اپنے پالتو مگرمچھ کو کھلاتے ہوئے دیکھا جا سکتا ہے۔

بیلے رقص — لندن کے سکیٹ پارک میں ایک بیلے ڈانسر سورج کی پہلی کرن کے ساتھ رقص کی مشق کرتے ہوئے۔

ماڈل میڈلن سٹوارٹ — لندن فیشن ویک میں ماڈل میڈلن سٹوارٹ کو کیٹ واک سے قبل میک اپ کو حتمی شکل دیتے ہوئے دیکھا جا سکتا ہے۔ وہ ڈاؤن سنڈروم کا شکار ہیں۔

تمام تصاویر کے جملہ حقوق محفوظ ہیں۔

Facebook Comments HS

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 33851 posts and counting.See all posts by british-broadcasting-corp