امریکی سفیر: ‘اسرائیل غربِ اُردن کے کچھ حصوں کو ضم کرسکتا ہے’

  •  
  •  
  •  
  •  
  •  
  •  
  •  
  •  
  •  
  •  
  •  
  •  

یہودی بستیاں امریکہ اسرائیہ فلسطین

Getty Images
امریکہ کے اسرائیل میں سفیر ڈیوڈفریڈمن کی نظر میں اسرائیل کو مقبوضہ غربِ اُردن کے کچھ حصے کو صم کرنے کا حق ہے۔

امریکی سفیر نے نے کہا ہے کہ اسرائیل کو حق ہے کہ وہ غربِ اُردن کے کچھ حصوں کو ضم کر لے اگرچہ ایسی کاروائی بین الاقوامی قانون کے تحت غیر قانونی ہو گی۔

امریکی سفیر ڈیوڈ فریڈمین نے امریکی اخبار نیو یارک ٹائمز سے بات کرتے ہوئے کہا کہ دنیا اردن اور اسرائیل کے درمیان، بقول اُن کے، ‘ایک ناکام فلسطینی ریاست’ کی حمایت نہیں کرے گی۔

انھوں نے کہا کہ اگر سیکیورٹی کی وجہ سے کل اسرائیل اپنی افواج کو غربِ اُردن میں رکھتا ہے تو یہ ایسے ہی ہو گا جیسے امریکہ نے اپنی افواج جرمنی، جاپان اور جنوبی کوریا میں تعینات کی ہوئی ہیں۔

تاہم انہوں نے اس پر بات کرنے سے گریز کیا کہ صدر ٹرمپ کا کیا ردعمل ہو گا اگر اسرائیلی وزیرِ اعظم اپنے تئیں اپنے وعدے کے مطابق غربِ اُردن میں ان یہودی بستیوں کو اسرائیلی ریاست میں یکطرفہ طور پر ضم کرنا شروع کردیں۔

اقوامِ متحدہ کی قراردادوں کے مطابق غربِ اردن کا علاقہ ایک مقبوضہ خطہ ہے اور اس پر تعمیر ہونے والی یہودی بستیاں غیرقانونی ہیں۔ غربِ اردن پر سنہ 1967 کی عرب-اسرائیل جنگ کے دوران اسرائیل نے قبضہ کیا تھا۔

یہودی بستیاں امریکہ اسرائیہ فلسطین

Getty Images
امریکی سفیر ڈیوڈ فریڈمن اسرائیلی وزیرِ اعظم کے ہمراہ۔

اسرائیلی وزیرِ اعظم بنیامن نتھن یاہو نے اعلان کیا ہو ہے کہ وہ غربِ اُردن میں تعمیر شدہ یہودی آبادیوں کو اسرائیلی ریاست کا حصہ قرار دے دیں گے۔ ان کے اس اقدام سے بین الاقوامی قانون کی خلاف ورزی ہوگی اور قیامِ امن کے لیے ‘دو ریاستی’ حل کا فارمولہ اپنی موت خود مر جائے گا۔

یروشلم (القدس) میں اپنی رہائش گاہ پر امریکی سفیر نے نیو یارک ٹائمز سے گفتگو کرتے ہوئے فلسطینی قیادت پر الزام عائد کیا کہ وہ کج فہمی کی وجہ سے کاروباری اداروں کو بحرین میں ہونے والی کانفرنس سے شرک کرنے سے روکنے کے لیے اپنا دباؤ استعمال کر رہے ہیں۔

بحرین میں امریکہ ایک ایسی کانفرنس کا انعقاد کروا رہا ہے جس میں اسے امید ہے کہ اگر فلسطینی امریکہ کے قیامِ امن کے فارمولے کو قبول کر لیں تو انھیں بہت زیادہ اقتصادی فائدہ ہو گا۔

اسرائیل میں امریکہ کے سفیر مسٹر فریڈمن نے کہا کہ صدر ڈونلڈ ٹرمپ کے کافی عرصے سے اعلان کیے جانے والا قیامِ امن کے منصوبے کا مقصد فلسطینیوں کے معیارِ زندگی کو بہتر کرنا ہے، لیکن اس سے خطے میں اصل ‘تنازعے کے فوری اور مستقل طور پر’ حل ہونے کا کم امکان ہے۔

فلسطینی رہنما پہلے ہی بحرین میں ہونے والی کانفرنس کو مسترد کرچکے ہیں۔ فلسطینی اس کانفرنس اور اس کے کاروباری فائدوں کو ‘رشوت’ قرار دے چکے ہیں۔

تاہم امریکی سفیر نے کہا کہ ‘فلسطینیوں کا اس انداز میں اسے رشوت کہنا کہ اسے دے کر ان کی قومی خواہشات کو خریدنے کی کوشش کی جا رہی ہے، ایک زیادتی ہو گی۔’

“ایسا ہرگز نہیں ہے۔ یہ فلسطینیوں کو ایک قابلِ عمل تخلیقی معیشت دے کر ان کی خواہشات کو زندگی دینے کی کوشش ہے۔’

ساٹھ برس کے ڈیوڈ فریڈمن نے سابق امریکی صدر بارک اوبامہ پر بھی الزام عائد کیا کہ انھوں نے سنہ 2016 میں اقوام متحدہ کی ایک قرارداد کی حمایت کر کے فلسطینیوں کے دعوے کی توثیق کی تھی ‘سارا غربِ اُردن اور مشرقی یروشلم’ فلسطینیوں کا ہے۔

اقوام متحدہ کی سلامتی کونسل کی قرارداد نمبر 2334 میں یہودی بستیوں کو بین الاقوامی قانون کی کھلی خلاف ورزی قرار دیا گیا تھا۔ سلامتی کونسل کے چودہ ارکان نے اس کی حمایت کی تھی جبکہ امریکہ رائے شماری کے وقت غیر حاضر رہا تھا۔

یہودی بستیاں امریکہ اسرائیہ فلسطین

Getty Images
یروشلم میں دیوارِ گریہ پر سارائیلا میں مریکی سفیر ڈیوڈ گریڈمن، امریکی وزیرِ خارجہ مائیک پومپیو اور اسرائیلی وزیرِ اعظم بنیامن نتھن یاہو۔

جب کہ اب مسٹر فریڈمن نے کہا ہے کہ ‘اسرائیل کا یہ حق ہے کہ وہ غربِ اُردن کے کچھ حصوں کو ضم کرسکتا ہے۔’

ڈیوڈ فریڈمن کے متعلق نیویارک ٹائمز نے کہا ہے کہ وہ صدر ٹرمپ کے داماد جیریڈ کُشنر کے امریکہ کی مشرقِ وسطیٰ کے بارے میں موجودہ پالیسی کے ہمراہ اہم محرک ہیں۔

بحرین میں ‘امن برائے خوشحالی’ کے نام سے 25 اور 26 جون کو ایک کانفرنس کے انعقاد کا اعلان کیا گیا ہے جس میں کئی عالمی فنڈ اور عرب ممالک کے نمائندوں کی شرکت متوقع ہے۔

تاہم فلسطینیوں نے کہا ہے کہ اس کانفرنس کی منصوبہ مندی میں ان سے مشاورت نہیں کی گئی تھی۔ فلسطینی اتھارٹی کے صدر محمود عباس اس کانفرنس کے بارے میں کہہ چکے ہیں”جہنم میں جاؤ۔’

یہودی بستیاں امریکہ اسرائیہ فلسطین

Getty Images
امریکی سفیر ڈیوڈ فریڈمن غربِ اُردن میں یہودی بستیوں کے حامی سمجھے جاتے ہیں۔
Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 10277 posts and counting.See all posts by british-broadcasting-corp