بی بی سی خبریں 

گذشتہ ہفتے کی دنیا تصاویر میں

بی بی سی
 
           

گذشتہ ہفتے کی اہم سرخیوں کے بارے میں بتانے والی چند تصاویر۔

یوروپ میں شدید گرمی

Boris Horvat / AFP
گذشتہ ہفتے یورپ کو سخت گرمی کا سامنا رہا۔ فرانس میں درجہ حرارت 45.8 درجہ سینٹی گریڈ تک پہنچ گیا۔ اس تصویر میں پرتگالی فنکار پٹریشیا سونا کی چھتریوں کی آرٹ انسٹالیشن کے نیچے گرمی سے پناہ کے لینے والا ایک شخص۔
اوساکا میں برطانوی وزیر اعظم ٹریزا مے اور روسی صدر پوتن کے درمیان ملاقات

Stefan Rousseau / PA
اوساکا میں برطانوی وزیر اعظم ٹریزا مے اور روسی صدر پوتن کے درمیان ملاقات کچھ اس انداز میں ہوئی۔ اس ملاقات کے درمیان ٹریزا مے نے پوتن سے کہا کہ روس کو اپنی ’غیر ذمہ دارانہ اور عدم استحکام پھیلانے والی‘ سرگرمیاں بند کرے۔
ڈچیز آف کیمبج نے ایک بچی کو یوں گلے لگایا

Chris Jackson / Reuters
برطانیہ میں بچوں کے لیے کام کرنے والے فلاحی ادارے ایکشن فار چلڈرین کی ایک ورکشاپ میں ڈچیز آف کیمبرج نے ایک بچی کو یوں گلے لگایا۔
انہیں آٹھ روز کے اندر اندر دوسری بار کانپتے ہوئے دیکھا گیا تھا

Kevin Lamarque / Reuters
جرمن چانسلر آنگیلا میرکل اوساکا میں ہونے والے جی20 جلاس میں پہنچیں۔ اس سے قبل انہیں آٹھ روز کے اندر اندر دوسری بار کانپتے ہوئے دیکھا گیا تھا جس کے بعد سے ان کی صحت کے بارے میں فکر کا اظہار کیا جا رہا ہے۔ ان کے ترجمان کا کہنا ہے کہ وہ ٹھیک ہیں۔
اتالوی شہر جینوآ میں مورانڈی پل کے بقیہ حصے کو ختم کرنے کے لیے دھماکہ کیا گیا۔

Massimo Pinca / Reuters
اتالوی شہر جینوآ میں مورانڈی پل کے بقیہ حصے کو ختم کرنے کے لیے دھماکہ کیا گیا۔ تقریباً ایک سال قبل اس پل کا ایک حصہ گر جانے کی وجہ سے 43 افراد ہلاک ہو گئے تھے۔
نیو یارک کی گے بار میں سنہ 1969 میں پڑنے والے چھاپے کی پچاسویں سالگرہ

Spencer Platt / Getty Images
نیو یارک کی گے بار میں سنہ 1969 میں پڑنے والے چھاپے کی پچاسویں سالگرہ کے موقع پر کچھ ایسے افراد بھی شامل ہوئے جو چھاپے کے وقت وہاں موجود تھے۔ اسے امریکہ میں ہم جنس افارد کے حقوق کے مطالبے کی محم کے آغاز کی تاریخ بھی مانا جاتا ہے۔
پیرس کا پلاس ڈی لا کونکورڈ

Philippe Wojazer / Reuters
پیرس کے پلاس ڈی لا کونکورڈ میں فرانس کی بی ایم ایکس ٹیم کا ایک فرد ہنر کی نمائش کرتا ہوا۔ سنہ 2024 میں ہونے والے اولمپک مقابلوں سے پہلے اس علاقے کو اولمپک پارک میں تبدیل کر دیا گیا ہے۔
جرمنی میں سیکڑوں مظاہرین نے ماحولیاتی تبدیلی کے خلاف احتجاج کیا

Thilo Schmuelgen / Reuters
جرمنی میں گارزویل کے علاقے میں کوئلے کی کان کے باہر سینکڑوں مظاہرین نے ماحولیاتی تبدیلی کے خلاف احتجاج کیا۔ وہ احتجاج میں کان میں بھی داخل ہو گئے۔ پولیس کہ مطابق یہ ایک خطرناک قدم تھا۔ جرمنی نے سنہ 2050 تک کاربن نیوٹڑل ہونے کا عظم کیا ہے۔ لیکن ماحولیاتی کارکنان کا کہنا ہے کہ یہ بہت زیادہ وقت ہے۔
پلٹن نامی گاؤں میں گلاسٹنبری فیسٹیول کا لطف اٹھانے آنے والے افراد

Jim Dyson / Getty Images
برطانیہ کے پلٹن نامی گاؤں میں گلاسٹنبری فیسٹیول کا لطف اٹھانے آنے والے افراد۔ یورپ میں گرمی بڑھنے کے باعث یہاں آنے والے افراد کو پانی اور سن سکرین مفت دیا گیا۔
اوساکا میں جی ٹوینٹی اجلاس میں بین الاقوامی رہنماؤں کی بیگمات اور شوہر بھی شامل ہوئے

G20 HANDOUT/EPA
اوساکا میں جی 20 اجلاس میں بین الاقوامی رہنماؤں کی بیگمات اور شوہر بھی شامل ہوئے۔ یہ تصویر ایک مندر کی ہے۔
بی بی سی
Latest posts by بی بی سی (see all)

 
           

Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32537 posts and counting.See all posts by british-broadcasting-corp