چیمپینز ٹرافی فائنل 2017: پاکستان کی انڈیا کے خلاف شاندار فتح کا جشن آج بھی جاری ہے
18 جون 2017 تھی۔ پاکستان نے انڈیا کو 180 رنز سے شکست دی اور پورا پاکستان جھوم اٹھا تھا۔
جمعرات کی صبح انٹرنیشنل کرکٹ کونسل نے سماجی رابطے کی ویب سائٹ ٹوئٹر پر کرکٹ اور پاکستانی شائقین کو ٹھیک تین سال پہلے آج ہی کے دن منعقد ہونے والے چیمپیئنز ٹرافی 2017 کے فائنل میں انڈیا کے خلاف شاندار کامیابی کی یاد دلائی تو ملک میں ایک بار پھر اُس جیت کی خوشی تازہ ہو گئی۔
اس موقع پر اس وقت کی فاتح ٹیم کے کپتان سرفراز احمد نے اس جیت کو یاد کرتے ہوئے ایک ویڈیو پوسٹ کی اور لکھا ‘پاکستان زندہ باد۔’
ان کی اس ٹویٹ کو ہزاروں پاکستانی صارفین نے لائک کیا اور ری ٹویٹ کیا۔
ویسے تو انڈیا کے خلاف چیمپیئنز ٹرافی فائنل میں کامیابی پاکستانی شائقین کے لیے ناقابل فراموش ہے مگر پاکستان میں آج ایک بار پھر ‘سی ٹی 17’ ‘محمد عامر’ اور ‘فخر زمان’ ٹرینڈ کرنے لگے ہیں۔ بہت سے ٹوئٹر صارفین نے اُس دن محمد عامر کی زبردست بولنگ کو یاد کیا۔
صارف مطلوب حسین نے آئی سی سی کی وہ وڈیو شیئر کی جو محمد عامر کی اُن تین گیندوں کی جھلکیوں پر مبنی تھی جس نے مضبوط ترین سمجھی جانے والی انڈین بیٹنگ ڈیفنس کی کمر توڑ دی تھی۔
اُس دن روہت شرما، ورات کوہلی اور شکر دھون عامر کی شاندار بولنگ کا نشانہ بنے اور پورے ٹورنامنٹ میں اچھی کارکردگی دکھانے کے باوجود انڈین بلے باز فائنل والے دن محمد عامر کی بولنگ کا کوئی توڑ نہ نکال سکے۔
Muhammad Amir 🔥🔥🔥 Moments.pic.twitter.com/grUAGqjmzi
— مطلوب حسین طاہر (@matloob_ht) June 18, 2020
یاد رہے کہ محمد عامر کی گیند پر وراٹ کوہلی کا کیچ سلپ میں ڈراپ ہوا تھا اور کمینٹیٹرز نے کہا تھا کہ ’آپ وراٹ کوہلی کا کیچ ڈراپ نہیں کر سکتے‘۔
یہ اُس فائنل میچ میں وہ موقع تھا جب بہت سوں کے خیال میں پاکستان کے ہاتھ سے چیمپیئنز ٹرافی نکل گئی تھی کیونکہ وراٹ کوہلی کو دنیا کا بہترین ‘رن چیسزر’ کہا جاتا ہے۔ مگر اگلی ہی گیند پر محمد عامر نے کوہلی کی وکٹ لے لی اور اس بار شاداب خان نے کیچ پکڑ کر اس جیت کو یقینی بنانے میں اہم کردار ادا کیا۔
One of the best day of my life champion trophy final 2017 ALHUMDULILAH 😊😊😊😊 pic.twitter.com/1kNhxOfkKc
— Mohammad Amir (@iamamirofficial) June 18, 2020
محمد عامر نے بھی اس موقع پر ٹوئٹر کا رخ کیا اور اپنے پیغام میں لکھا کہ ‘میری زندگی کا بہترین دن چیمپیئنز ٹرافی فائنل 2017 ۔ الحمد اللہ۔’
اس پیغام کو اُس وقت پاکستان کے کوچ مکی آرتھر نے ری ٹویٹ کیا اور لکھا ’بولنگ کا کیا ہی زبردست سپیل‘۔ اس پیغام پر محمد عامر نے اُن کا شکریہ ادا کرتے ہوئے لکھا ’شکریہ کوچ‘۔
What an incredible spell of bowling…@iamamirofficial https://t.co/fSagFUEr8m
— Mickey Arthur (@Mickeyarthurcr1) June 18, 2020
انس سعید نے اس تھریڈ میں کوچ مکی آرتھر کے اس جیت میں کردار پر اُن کا شکریہ ادا کیا اور لکھا کہ ’کوچ آپ نے یہ ممکن بنایا‘۔
محمد عامر کی گیند پر کوہلی کو کیچ کرنے والے شاداب خان کی میچ میں کارکردگی کو بھی پاکستانی کرکٹ شائقین نہیں بھولے۔
ایک طرف اُن کی شاندار فیلڈنگ تو دوسری طرف وہ یادگار لمحہ جب شاداب نے بھرپور اعتماد کے ساتھ کپتان سرفراز احمد کو یقین دلایا کہ انھوں نے یوراج سنگھ کو ایل بی ڈبلیو کر دیا ہے اور وہ رویو لیں۔
رامیہ نے یہ وڈیو شیئر کرتے ہوئے لکھا کہ ’ہم اُس دن کا یہ لمحہ کیسے بھول سکتے ہیں۔ میں پوری قوت سے چیخ رہی تھی جب ایک اٹھارہ سال کے نوجوان نے یوراج سنگھ کو پویلین واپس بھیجا اور اہم رویو لیا‘۔
https://twitter.com/Yeh_tu_hoga/status/1273480603485208576?s=20
اس میچ میں بھی پورے ٹورنامنٹ کی طرح حسن علی نے بہترین بولنگ کی۔ انھیں ٹورنامنٹ کا بہترین کھلاڑی کا ایوارڈ ملا۔
حسن علی نے ٹورنامنٹ کو یاد کرتے ہوئے ٹویٹ کی کہ ‘لیجنڈز رکی پونٹنگ اور سورو گانگولی سے ایوارڈ حاصل کرنا میرے لیے بہترین لمحہ تھا۔ شاندار یادیں۔’
ایک اور ٹوئٹر صارف نے آئی سی سی کی جانب سے شائع کردہ فخر زمان کی اننگ کی جھلکیاں شیئر کی اور لکھا کہ ایک ٹورنامنٹ فائنل میں کسی بھی بیٹسمین کی بہترین ترین اننگ۔
One of the great performances by a batsman in a tournament final. #CT17 pic.twitter.com/xLd4NrAaiR
— Down The Ground (@downthegroundtw) June 17, 2020
2017 کے اس فائنل میں پاکستان کے جانب سے 338 رنز بنانے میں نوجوان کھلاڑی فخر زمان کا بہت اہم کردار تھا۔ اُن کی شاندار سینچری نے پاکستان کا پلڑا بھاری کیا۔
یاد رہے کہ فائنل سے ایک دن پہلے فخر زمان کی طبعیت خراب تھی اور انھیں جسم میں شدید درد تھا اور بالکل آخر وقت تک ان کی میچ میں شمولیت غیری قینی تھی۔ مگر فزیو کے ساتھ مسلسل محنت کے بعد وہ اس قابل ہوئے کہ بیٹنگ کر سکیں۔
اس سب کے باوجود اُنھوں نے اپنی جارحانہ اننگز میں 14 چوکوں اور 3 چھکوں کی مدد سے 114 رنز بنائے تھے اور میچ کے بہترین کھلاڑی قرار دیے گئے تھے۔
صارف رانا عقیل نے ایک سکرین شاٹ شیئر کیا جو اُس موقع کا تھا جب جسپریت بھمرہ نے فخر زمان کو شروع ہی کے اوورز میں آؤٹ کیا لیکن ری پلے میں پتہ چلا کہ بھمرہ نے نو بال کروائی تھی۔ اس تصویر پر آج کل کورونا وبا کے تناظر میں لکھا گیا کہ ‘اندر رہیں اور محفوظ رہیں۔’
میچ کے اختتام پر وراٹ کوہلی نے فخر زمان کا ذکر کرتے ہوئے کہا تھا کہ جب کوئی ایسی فارم میں ہوتا ہے اور ایسا ‘ان ارتھوڈاکس’ کھیلتا ہے تو اُسے روکنا نا ممکن ہو جاتا ہے۔
یہ ایسا میچ تھا جس میں ہر کچھ پاکستان ہی کے حق میں جا رہا تھا۔ سکور کارڈ دیکھیں تو سب بلے بازوں نے اپنا اپنا کردار ادا کیا اور اننگز کی شروعات میں فخر زمان اور اظہر علی نے اچھی پارٹنرشپ بنائی پھر بابر اعظم نے فخر زمان کا ساتھ دیا جبکہ اختتام پر محمد حفیظ نے جارحانہ بیٹنگ کرتے ہوئے جو مومنٹم بنا ہوا تھا اُس کا بھرپور فائدہ اٹھایا اور سکور کو 338 تک لے گئے۔ محمد حفیظ کے کردار پر بھی بہت سے صارفین نے انھیں ایک بار پھر داد دی۔
شعیب ملک نے بھی ٹورنامنٹ میں اہم کردار ادا کیا۔ انھوں نے اس جیت کو یاد کرتے ہوئے ٹویٹ کیا کہ ‘یہ ملک اور شائقین کے لیے تھا جنہوں نے کبھی راستہ نہیں بدلا اور ہم آگے بڑھتے رہیں گے۔’
– This was for the country and the fans who never changed course!
AND WE MARCH ON…#ChampionsTrophy pic.twitter.com/z9jCz12teY
— Shoaib Malik 🇵🇰 (@realshoaibmalik) June 18, 2020
پاکستان کرکٹ بورڈ نے آئی سی سی کی جانب سے اس یادگار میچ کی جھلکیوں کی ویڈیو ری ٹویٹ کی جس میں لکھا تھا کہ فخر زمان کی دھویں دار 114 اور محمد عامر اور حسن علی کی اتنی ہی تباہ کن بولنگ نے پاکستان کو 2017 کی آئی سی سی چیمپیئنز ٹرافی میں انڈیا کے خلاف کامیاب بنایا۔
Best Moment of #CT17 Final ❤ pic.twitter.com/4Joqkgrj2z
— حمزہ کلیم بٹ (@hamzabutt61) June 18, 2020
جہاں ایک طرف جیت کی خوشیاں اور اُن یادگار لمحوں کی یادوں کو شیئر کیا جا رہا ہے وہیں حمزہ کلیم نے وہ ویڈیو شیئر کی جس میں پاکستانی اور انڈین کھلاڑی میچ کے بعد خوشگوار ماحول میں ہنس کر ایک دوسرے کے ساتھ گفتگو کر رہے تھے۔ حمزہ نے اسے چیمپیئنز ٹرافی فائنل کا بہترین لمحہ قرار دیا۔
- جمیلہ علم الہدیٰ: مشکل وقت میں شوہر کے ہمراہ ’گھریلو اخراجات اٹھانے والی‘ ایرانی صدر کی اہلیہ کون ہیں؟ - 23/04/2024
- ’مایوس‘ والدہ کی چیٹ روم میں اپیل جس نے اُن کی پانچ سالہ بیٹی کی جان بچائی - 23/04/2024
- مبینہ امریکی دباؤ یا عقلمندانہ فیصلہ: صدر ابراہیم رئیسی کے دورہ پاکستان کے دوران ’ایران، پاکستان گیس پائپ لائن‘ منصوبے کا تذکرہ کیوں نہیں ہوا؟ - 23/04/2024
Facebook Comments - Accept Cookies to Enable FB Comments (See Footer).